RSS

You are here

Mihajlovićka kotar leipe bukjengo ano auto-drom Beograd-Sarajevo: Kupate lačara stabilno avutnipe regionesko

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja kaj lačardipe auto-dromesko Beograd-Sarajevo jekh kotar majsemno infrastrukturako projekti ano regioni, savo manglape te anol reslipe pobaro stabilipaske thaj posig ekonomikano barjaripe regionesko.

 

"Srbia thaj Bosna thaj Hercegovina akale projektea na numa kaj dikhena ano polačhe avutnipe, uč ini ola kupatne kerena, lačardipa droma thaj purtja save amen ka phanden thaj ka resolpe po sig te barjarova thaj te kera sa regioni po stabilno", phendja i Mihajlovićka sebepi leipe bukjengo ano lačardipe angluni etapa auto-dromesko Beograd-Sarajevo, kotar Sremeski Rača dži Kuzmin, ano savo lele kotor presidento Republika Srbiako Aleksandar Vučić, presidento Republika Turkiako Redžep Tajip Erdogan thaj dženutne Presidiumesko Bosna thaj Hercegovina.

 

Voj pana phendja kaj adžukharela bukja ano lačardipe auto-dromesko maškhar Sremeski Rača thaj Kuzmin te oven paše duj te kvaš berša. Ano projekti sito čhivdo ini lačardipe nevi purt prekal Sava thaj khupatno samatrendako nakhavipe, a uzo turkiaki kompania "Taš japi", sar šerutno kerdutno, pedo oleste ka keren buti ini kherutne firme.

 

"Akava projekti sito misal sar jekh baro infrastrukturako projekti šaj sig te gatisarelpe thaj te lenpe bukja, soske po agor 2018. hramisardilo komercialno kontrakti. Paralelno e keripa bukjengo ani angluni etapa, ka kerolpe ini projektesko-tehnikaki dokumentacia vaš dujto etapa, Požega-Kotorman, ano lungipe paše 60 kilometarja thaj adžukhara kaj dži ko 2020. te ovelamen gatisarimo projekti", phendja i Mihajlovićka.

 

Molipe vaš keripe tehnikaki dokumentacia thaj keripe bukjengo pedo lačardipe etapako Sremeski Rača- Kuzmin sito 225 milijojna evrja, a lungipe avutne auto-dromesko savo ka džal ki Bijeljina sito trujal 18 kilometarja.