RSS

You are here

Mihajlovićka kotar protesti taksistjengo: Vaš blokada dizutne cidena, sa so tradinena musaj te pačavinen kanuni

"Nijekh protesti thaj blokada dizjako nane šukhar vaš amare dizutnenge, soske uškhavena olenge hakaja thaj vaš odova on cidena. Nane dizutne došale vaš odova so taksistja rodena, ni odova nane agorisipe problemesko", phendja avdive telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović.

 

Voj, pedo pučipe žurnalistesko, phendja kaj bukjaki grupa definišindja pharuvipe thaj džipherdipe Kanunesko kotar tradipe manušengo ano dromesko dromutnipen, kaj odova bahami lela Thagarutni thaj parlamenti, a palem hramisardja presidento Republikako.

 

"Kanuni  šuže hraminela ko šaj te tradel dromutnen thaj save  šartja musaj te pherol. Kanuni musaj te legarolpe thaj vaš olesko legaripe nane Ministribe dromutnipasko, uč lokalno korkorodirekcie, policia thaj komunalno policia. Sar resorno ministarka pana jekh drom apeluinava pedo investitorja, akcionarja, finansijsko partnerja thaj sa ekonomikane organizacie save denadumo kompanienge save tradena dromutnen opipe Kanuni kotar dromesko dromutnipen, te lačaren butipe akale firmjengo thaj te keren buti pedo kanuni. Nane aver agorisipe numa te pačavinolpe validno kanuni", phendja voj.