RSS

You are here

Mihajlovićka kotar rndomo avio-dromutnipe: Pana siton vakheripe kotar napja uluvipaske vaš dromutnenge

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja avdive kaj nijekh raštra ani lumia momentalno nanola šuže protokolja sar ka dikhlarolpe tradipe rndomo avio-linie, thaj kaj ini ani amari phuv pana siton vakheripe kotar napja uluvipaske.

 

„Ano avdisutno bešipe krizno štabesko vaš sastipe amen ka vakhara kotar šartja thaj propozalja vaš tradipe avionea-ka ovol mi musajutno PCR testi thaj vaš kaske jase ka ovol mi basadune nakhipe ani korkoroizolacia.Odova so sito sigurno kaj saren musaj te čhiven maske, a vakharelape, na numa ani amari phuv, ini kotar šaipe te adikharelpe distanca ano avioni, so automatikane ka barjakarol molipe kartako thaj ka kerol influenca pedi ekonomia“,phendja voj.

 

Mihajlovićka lepardja kaj nikote ani Evropa momentalno nane rndome avio-linie, a phendutne štar urjavipe „Er Srbiake“ vaš Londoni, Frankfurti, Beč thaj Cirih nane rndome linie, uč kerdile te inaren ani Srbia amare dizutnen save odova mangena.