RSS

You are here

Mihajlovićka: Lačara neve 400 km auto-dromja

“Dži po agor 2025. berš Srbia ka ovelola majbut kilometarja auto-dromja ano regioni, pobuder ini kotar Kroacia, sava butvar amen kerena komparacia. Nevo investiciako ciklusi “Srbia 2025” siole molipe 14 milijarde evrja thaj sito sar vaš transportesko, adžahar ini po komunalno, socialno thaj energetikaki infrastruktura, so sito šarti vaš manuša te ačhoven te dživdinen ani Srbia”, phendja ko detharin telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović.

 

Voj, dostuipa ano detharinesko programi TV Prva, phendja kaj Srbia lela te lačarol 400 kilometarja neve droma.

 

“Ano marti la te lačara sigutni dromutnikani sava ka phana Valjevo e dromeja “Miloš Veliki”, la ini lačardipe Fruškogorako koridori savo si molipe kotar 600 milijojna evrja, ka agorisina dokumentacia vaš nevo auto-drom “Vožd Karadjordje”, sar ini dokumentacia vaš pruga Niš-Preševo. Uzo odova, ka lelpe ini lačardipe sigutni pruga kotar Novi Sad dži Subotica, sar ini rekonstrukcia Bareski pruga kotar Valjeva dži samatrenda e Crna Gora”, phendja voj.

 

Mihajlovićka lepardja kaj buti uč kerelape ani etapa dromeski “Miloš Veliki” kotar Čačak dži Požega, sar ini ano Moravako koridori, thaj kaj ano akava berš ka ovol agorisimi ini dokumentacia vaš etapa kotar Požega dži Boljare.

 

“Numa dokumentacia vaš Požega-Boljare sitoj 50 milijojna evrja, kana ka agorisinolpe ka vakhara kotar čhandipe finansiripasko, soske sa akaja etapa ka ovol paše duj milijarde evrja. Adžahar, ano avutne trin berš ka rehabilituina 5.000 regionalno thaj lokalno droma”, phendja i Mihajlovićka.

 

Telopresidentka Thagarutnaki phendja kaj Srbia, palo 40 berš, but investirinela ano sastralutno dromutnipen, thaj kaj ano anglojevend 2021. kotar Beogradi dži Novi Sad sigutne pampurea ka tradolpe 25 minutja.