RSS

You are here

Mihajlovićka: Lačardjam baro bičačipe, paše 30.000 dizutne akana šaj te registruinenpe ano katastri sar manginutne kherengo

Ministribe vaš lačardipe, dromutnipe thaj infrastruktura thaj Republikako geodetesko instituti (RGZ) lačarde jekh kotar majbare bičačipe thaj resle pobuder kotar 30.000 dizutne Srbiake šaj te registruinen poro mangin ano katastri bimiškoipasko.

 

“Definitivno, sa dizutne savo varekane kinde khera/apartmajna kotar kherutne kooperative, a na registuinde hakaj manginesko pedo poro bimiškoipasko mangin, akana, pedo fundo gndipe Ministribasko thaj Kanuni kotar raštrako tularuno thaj katastri, ka oven ano šaipe te registruinen pere khera/apartmajna ano katastri bimišokoipasko thaj adžahar ovena kanunipaske manginutne. Dikhlaripe RGZ-esko kaj ani Srbia si paše 10.000 khara save pedo adžahar čhane ka registruinenpe ano katastari”,phenela Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović.

 

Voj phenela kaj akalja ka lačarolpe jekh kotar baro bičačipe prekal manginutne kherengo save kinde kotar kherutne cooperative, soske sine but situacie kaj ani jekha-jekh soliteri disave manginutne šaj, a disave našti te registruinen hakaj manginutnipasko ano katastri, ano phandipe kotar fundo sar odova kindilo.

 

“Akala pratsava na numa so ka ažutina pobuder kotar 30.000 amare dizutnenge, uč ini ka barjara juridikano siguripe ano transferi bimiškoipasko mangin thaj zoralikano te labarina principi pačavipe ano publikako registri bimiškoipasko mangin”, phenela Mihajlovićka.