RSS

You are here

Mihajlovićka: Nais bučarnenge ani kinaki sastrnalutni pedo solidaripe, amalikanipe thaj baro ažutipe

Dženutne komapniako “China Railway International Corporation” dende avdive e telopresidentkake Thagarutna Srbiaki thaj ministarkake vaš lačardipe, dromutnipe thaj infrastrukturake, prof. dr Zorana Mihajlović donacia akala kompaniako sar suporti ani mareba opipe epidemia infektivno nasvalipe Covid-19 ani Srbia.

 

Mihajlovićka phendja kaj donacia kotar  kinaki sastrnalutni uzo šeja sar so siton 200.000 maske thaj šov setja termovizisko kamere savo ka oven ani Thagarutni Srbiaki, ano Ministribe vaš lačardipe, dromutnipe thaj infrastruktura thaj Ministribe andrune bukjengo, siola ini lovengi donacia ano molipe 2,2 milijojna dinarja save kedinde sa kinake bučarne akala kompaniake save kerena buti ani Srbia, a save pratsava Thagarutna Srbiaki dendile ano KBC “Zvezdara”.

 

Mihajlovićka phendja kaj sa lumia, ano odova ini Srbia arakhelape ano periodi kana solidaripe thaj amalikanipe odova so amenge ažutinela te iklova kotar bari thaj phari kriza. 

 

“Solidaripe thaj amalikanipe savo sito maškhar ThR Kina thaj Republika Srbia, maškhar presidentja duje raštrengo, maškhar duje ministribjengo, maškhar kinake sastrnalutne thaj Thagarutni Srbiaki thaj Ministribasko vaš  lačardipe, dromutnipe thaj infrastruktura, dikholape ini napal kana si phare, a akana si phare thaj akana saren kupate marahape te nakhava uzo so po hari viktimja epidemia save amen astardja”, phendja i Mihajlovićka palo deipe donacia ano Thagarutni Srbiaki.

 

“Uzo akaja donacia, sikhavdilo adžahar ini solidaripe thaj kamipe kinake bučarnengo thaj kinake themesko prekal Srbia thaj srbikano them, soske kinake bučarne sikhavde gatisaripe te oven volonterja vaš sasoke so avdive amenge manglape vaš te iklova kotar akaja kriza. 

 

"Nais pedo akava, a amaro manglipe sito te kera sa vaš te kera buti pedo projektja, thaj te ovelamen so pobut bučarne ano lačardimaske thana”, phendja i Mihajlovićka.

 

Telopresidentka Thagarutna Srbiaki naisardja ambasadake ThR Kina, kinake sastrnalutnenge thaj sa aver kinake kompanienge save kerena pedo projektja ani Srbia thaj save kotar starti epidemiako dena ažutipe Srbiake.

 

“Manglipe sarenengo  sito akalesta te iklova so po sig thaj te avol momenti kana bi maskengo šaj te iklova te phira thaj te dikha amare pruge thaj majsig pruga ano akava kotor Evropako savi ka ovol agorisimi, a savi ka lačaren kupate kinake thaj srbikane kompanie”, phendja i Mihajlovićka.

 

“Ka lungara  talo legaripe kinaka ambasadako ani Srbia te da dumo pašutna komunikaciake e srbikana Thagarutna thaj Telopresidentka Mihajlović, kaj prekal manglipe čhinibasko thaj kontrola epidemiako ani Srbia lungara te keda thaj te donirina vastušeja thaj instrumentja vaš sistemja infralole termometarja ini hardžibasko matrijali vaš prevencia epidemiako”,phendja generalno direktori ranikako ani Srbia “China Railway International Corporation”, Hu Sjaojung.

 

Vov phendja kaj 534 kinakake bučarne akala kompaniako save siton ani Srbia gatisarime te oven volonterja ani mareba opipe epidemia thaj kaj ini ano odova čhandipe dena dumo srbikana Thagarutnake thaj themeske save marenape opipe epidemia. 

 

“ Mangava te naisarav telopresidentkake pedo lungobešengo legaripe thaj deveipedumo projekteske vaš lačardipe srbikano kotor prugako kotar Beogradi dži Budimpešta.

Uzo sastrnalutnoamalipe duje phuvjengo thaj bi dikhipe pedo zumavipe, beša kupate phiko phikoa thaj zorale pačavina kaj Thagarutni Srbiaki thaj srbikano them sigurno ka resel vidžai ani akaja epidemiaki mareba”, phendja Hu Sjaojung.