RSS

You are here

Mihajlovićka: Nais odole dizutnenge save pačavinena pratsavja thagarutnake, ruidjisarav ini averen odova te keren

“Majangle mangava te naisarav sa odole dizutnenge Srbiake save pačavinena pratsavja  save Thagarutni Srbiaki anela, ruidjisarav ini averen odova te keren, soske odova sito semno vaš amari phuv thaj odova kera vaš te arakha sastipe sarenengo”, phendja avdive vaš TV Prva telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović.

 

Voj lepardja kaj kotar 12 sati adivesta maškharthemesko dromutnipe suspenduimo, thaj odova sito ini vaš autobusesko, sastrnalutnesko thaj pajnesko dromutnipe. 

 

“Akaja sitoj semni pratsav sar vaš ano majtikni šajipe fuljava gendo manušengo save šaj te inficirinenpe virusea. Ruidjisarav sarenen te adikharenpe pedo akala napja. Adžahar, na cidava ni šaipe kaj ano dive save avena ini dizjako tradipe čhinelape, so sito phando e epidemiologiaka situacia thaj odova so phenela profesia”, phendja voj.

 

Mihajlovićka lepardja ini kaj meškharthemutno dromutnikano dromutnipe ačhavdilo thaj kaj kotar ofto sati avdivesta khonik našti te khuvol ani phuv, ama kaj maškharthemutno transporti kerelape biačhavipa.

 

“Majsemno vaš raštra thaj dizutne kaj anibe robako kerelape biačhavipa.Kamiojna khuvena ani Srbia, adžahar ini tranziti.Sijamen habe thaj sa so manglape basandune. Kana sito lafi kotar aero dromutnipe, vov sito suspenduimo vaš dromutne, ama Aerodromi “Nikola Tesla” sito putardo vaš humanitarno konvoja, prekalurjavipe thaj tranziti. Semno sito kana ano akava momenti kana sa phuvja malavdinenape  akala kriza te ova solidarno”, phendja i telopresidentka Mihajlović.

 

Voj pana jekh drom bičaldja informacia sa dizutnenge ani Srbia te oven godarutne thaj disciplinuime, te ašunen pratsavja Ministribe sastipaske thaj profesiake, te ačhon ano pere khera, te keren so po hari kontaktja thaj adžahar te garaven peste thaj pi phuv.