RSS

You are here

Mihajlovićka: Nane ulavdipe, Roma thaj Romnja siton jekha jekh dizutne Srbiake

“Thagarutni Srbiaki thaj Koordinaciako trupo vaš dikhlaripe socialno inkluzia Romengo thaj Romnjengo ani amari phuv siton vaš te kerenpe šartja vaš pošukhar dživdipe sar romana khupatnako, adžahar ini sa dizutnengo, soske amaro reso sito manuša te dživdinen pošukhar thaj te ačhon ano pere thana. Semno sito te halova kaj nane ulavdipe prekal odova sava naciake pera, soske saren sijam akate khupate thaj saren sijam dizutne Srbiake”, phendja avdive telopresidentka Thagarutna Srbiaki, prof. dr Zorana Mihajlović, leipe kotor ano hramosaripe Kontraktesko kotar donacia maškhar Thagarutni Japaneski thaj Amalipe Romengo kotar Prokuplje vaš ”Projekti rekonstrukcia Centresko vaš inardutne thaj lokalno dizutne ano Prokuplje”, ano molipe šov milijojna dinarja.

 

Mihajlovićka naisardja Japaneske thaj Germaniake, duje raštrenge save savakht siton uzi Srbia, devipa amenge suporti ani realizacia but projektjengo, poulavdipe ano sektorja save but var siton ani margina, sar edukacia, uluvipe dživdipaski maškharipe, sastipaski thaj socialno uluvdipe.

 

“Šukhar mange so avdive lelum kotor ano hramisaripe akale kontraktesko vaš Centri savo resol inardutne manušenge  te ovelolen pošukhar šartja vaš edukacia thaj socialno uluvdipe. Numa, kana vakhara kotar inkluzia Romengi thaj Romnjengi, pana but buti  anglo amende  ani sa Srbia thaj pačavava kaj ini podur ka ovelamen šukhar maškharipe”, phendja voj.

 

Amabasadori Japanesko ani Srbia Djunići Marujama, sar hramutno kontraktesko, phendja kaj thagarutni akala phuvaki kotar 1999. berš ažutinela Srbiake thaj dži akana realizuisale 228 projektja.

 

“Manga te ažutina te tiknjarolpe ekonomikani har thaj te anglunisarenpe šartja dživdipaske marginalizuime grupengo thaj manušengo kotar ruralno maškharipe. Akava projekti sito rezultati khupatne iniciativako Germaniako thaj Japanesko, ano reso vazdipe dživdipasko standardi dizutnengo ano lokalno khupatne”, phendja vov.

 

Tomas Šib, ambasadori Germaniako ani Srbia, phendja kaj programja Japaneske thaj Germaniake but komplementarno thaj kaj, ano rami e globalno resjenca KhN 2030, mangipa kaj khonik tana ačhavolpe pale, thaj kaj Mangena te ažutinen romana khupatnake ani Srbia.

 

“Buti ano anglunisaripe pašlouipe marginalizuime grupe dizutnengo sito ano amaro fokusi. Poulavdipe akcenti čhiva pedi edukacia Romengo thaj Romnjengo, ama ini ani olengi integracia prekal khuvipe pi buti, vaš odova investirina ano bukjengo treningo thaj karijerako dromutnipe”, phendja o Šib.

 

Ano hramisaripe lela kotor ini dizakopočekatuno Prokupljako, savo phendja kaj naisaripe politika savi kerela Aleksandar Vučić thaj Thagarutni, Srbia avdive sitoj pošukhar than vaš dživdipaske thaj kaj akava projekti ka resol e romana khupatna ano Prokuplje te zorakharol thaj te inara olen ani edukacia sar klidutno pato vaš khuvipe pi buti.

 

Ano anav Amalipe Romengo kotar Prokuplje kontrakti hramisardja presidento Dejan Živković, savo phendja kaj akava Centri kedela dizutne akala dizjako bi dikhipa pedo nacionalnipe thaj kaj ka ažutinol e inardutne manušenge po lokhe te integrišinenpe ani lokalno khupatni.

 

Projekti, vaš savo Thagarutni Japaneski dendja 51.208 evrja, kotor sito khupatna iniciativako Japanesko thaj Germaniako, savea ka dživdisarolpe sasutni buti Centresko vaš inardutne thaj lokalno dizutnipe ano Prokuplje.