RSS

You are here

Mihajlovićka: Neve projektja e kinaka kompania CRBC ani Srbia

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, malavdisali avdive e Džang Sjaojunea, javerutno direktoresko kinaka kompaniako CRBC vaš Evropa, thaj olea vakhardja kotar aktuelno thaj avutne infrastrukturake projektja savi akaja kompania realizuinela ani Srbia.

 

“E kompania CRBC sijamen butšukhar maškharipe thaj labdarde agorisime projektja. Lošale sijam so odova maškharipe ka lungara ini neve projektjenca semne vaš Srbia, sar so siton Fruškogorako koridori thaj sigutne dromutnikane Valjevo-Iverak thaj Novi Beograd-Surčin”, phendja i Mihajlovićka.

 

Voj e Džangea vakhardja ini kotar dinamika lačardipe etapako dromesko “Miloš Veliki” kotar Preljina dži Požega, thaj kotar gatisaripe projektesko-tehnikani dokumentacia vaš etapa kotar Požega dži Boljari.

 

“Sar ini dži akana, situmen pherdo suporti thaj ažutipe ministribasko savo legarava. Lačhe amenge so sijen interesuime vaš rekonstrukcia prugaki Beograd-Niš-Preševo, ano rami e amare plajnenca kaj odola pruga pampurja šaj te traden 200 km ano sati”, phendja voj.

 

 Džang Sjaojuen naisardja pedo džiavdisutno devipedumo Ministribasko, sikhavipa čaljardipe vaš labdardo realizuime projektja thaj pačavipe kaj odova maškharipe ka ovol pana pošukhar pedo neve projektja.