RSS

You are here

Mihajlovićka: Nijekh lačardimasko than na ka ačhol bukja vaš alosaripe

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja avdive ano Kruševac kaj nane sebepi kaj daj infrastrukturako projekti ani phuv ačhola vaš kampanja thaj alosaripe so avena.

 

“Sine disave alosaripe ano nakhle efta berš, palem odova na ačhavgja realizacia projekatjengo, a lačardjam kobor neve auto-dromja. Sa projektja kerenape pedo plani ini ano dromesko, sastrnalutno, pajnesko thaj aero dromutnipe”, phendja i Mihajlovićka amboldipa pedo pučhipe žurnalistjengo palo hramosaripe kotar khupatno vastalutnipe komunalno gunoj ano Kruševci.

 

Voj lepardja kaj kotar 2014. berš, kana sinamen numa jekh infrastrukturako kombipe, a odova sito Beogradi, Srbia ali dži odova kaj avdive sijamen disave adžahar kombipe.

 

“Niš ulo dromutnikano kombipe agorisipa kompletno Koridori 10 thaj barjaripe nišesko aerodormi, dži Čačak avdive sijamen auto-drom, a ano pašipe ini aerodromi. Kruševaci adžahar ovela jekh kotar akala kombipe, soske ano poro pašipe siole duj aerodromja, a vaš duje beršenge ka ovol phando auto-dromeja e Koridoreja 10 soske lačarelape Moravako koridori. Odova sito fundo investiripasko ani infrastruktura, te phana sa forme dromutnipaske dži ko majsemne dizja ani Srbia, a odova sito semno vaš manuša save ano olende dživdinena, vaš te ačhon ano pere thana thaj ovelolen lačho dživdipe”, phendja voj.