RSS

You are here

Mihajlovićka: Pedozoralipe radikaljengo ano Parlamenti kerdilo gndipa thaj organizuimo!

Telopresidentka Thagarutna Srbiako thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja kaj nanola nisavi dilema kaj idžutno pedozoralipe senatorjengo Srbikane radikalno stranka pedo olate ano Parlamenti sine organizuimo thaj kerdilo gndipa.

 

“Odova so idž dikhlam ano parlamenti sine planirimo radikaljengo pedozoralipe savo sine opipe mande. Vaš olenge hohavipe, čhungaripe thaj akošipe, Parlamenti sine sar mahala, so sito dukhavnipe, soske ano pučipe sitoj majsemni institucia ani phuv. Savakht sine marape opipe pedozoralipe thaj savakht ka marape, thaj na sim vaš odova kaj Srbia sitoj odova so siton radikalja”, phendja i Mihajlovićka dostuipa ano detharinesko programi TV Prva.

 

Voj mothavdja kaj kotar sa 236 amandmajna pedo kanunja radikalja dende 210 bigndipaske amandmajna, ano save numa hramisalo ”koselape”.

 

“Ni grafema kotar kanunja, numa “koselape”! Ama odova dendja olenge šaipe kaj 210 var vakharena thaj pondž satja leparena majmelale hohavipe kotar mande thaj miri familia. Kaj sijum špijuni, kriminalci, kaj e ambasadorea KAR čordjum love, save čarape akharava, save tirah sima, kerena atako pi familia. Palo pondž satja radikaljengo hohavipe sinema mere pondž minutja čačipe, kana pelardjum sa so phende. Na vaš olenge, uč vaš dizutne Srbiake save odova dikhle. Thaj savakht ano adžahar situacie ka vazdav transparenti “Radikaljenge hohavipe”, phendja voj.

 

Telopresidentka Thagarutnaki phenela kaj olake sine ladž vaš sa čhungaripe thaj akošipe save olake bičhalde senatorja radikalja.

 

“Sa odola radikaljenge hohavipe, čhungaripe thaj akošipe save vakharde senatorja akala partiake me našti ni te leparav thaj sine mange ladž ano olengo than so adžahar diso šunava. Ama, odoja sitoj pilta radikaljengi, bi argumentja, bi konstruktivno diskusia, numa primitivizmi thaj pedozoralipe”, phendja voj.

 

Mihajlovićka phendja kaj radikalja atakjenca pedi Thagarutni thaj olake rezultatja kerena šaipe te len daj procenti ano alosaripe save avena.

 

“Mangava te naisarav senatorjenge kotar SNS save idž khuvde ani polemika e radikaljenca thaj arakhle mande thaj ministribe kotar sa radikaljenge hohavipe”, phendja pana i Mihajlovićka.

 

Voj pana phendja kaj personalno sitoj targeti radikaljengo soske voj na štipinela pedo sa čhungaripe save beršenca  lela kotar olengo presidento Vojislav Šešelj.

 

“Sahainava oleske atakja soske Šešelje akharava “džuboks vojvoda”, soske savakht leparava e publikake kaj andja dži ko mareba, bibahtalipe, dukhavipe manušengo. Parlamenti sito than ano savo manglape te legarolpe polemika thaj dijalogja,  ama disave samatrende našti te nakhavenpe. Opipe odova marape sa mo dživdipe. So si palo odova- daj senatori pašola ministreske thaj khuvela ole!”, phendja i Mihajlovićka.