RSS

You are here

Mihajlovićka: Peripe avipelovengo kotar dromutni ano akava berš, ama lungara te investirina ano auto-dromja

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja avdive kaj investiripe ano auto-dromja ačhola prioriteti, bi dikhipa pedo peripe dromutnipasko ano akava berš,  vaš sar  Srbia podur te zorakharela piri pozicia tranzitno phuvjaki ani relacia pe aver rute.

 

“Amamro dikhipe sito kaj ano akava berš avipelovengo kotar pokibe dromutnipe ka ovol trujal 40 dži 45 milijojna evrja pohari kotar planirimo. Dži 3.avgusti sijamen trujal 5,4 milijojna automobilja po hari ze ano nakhlo berš, ama peripe avipelovengo potikno vaš trujal 3,5 šelestar jase trujal 500 milijojna dinarja. Odova sito rezultati so maškharthemutno dromutnipe sa vakhti funkcionišindja, a molipe dromutnako vaš kamiojna šov drom pobaro ze vaš automobilja”, phendja Mihajlovićka kotar vizita ano Sektori vaš pokipe dromesko JP “Putevi Srbije”.

 

Voj phendja kaj Srbia ano nakhle berša agorisindja thaj mukhla ano dromutnipe trujal 350 km auto-dromja, savea verifikuindja poro semnipe kana dikhelape pedo disave tranziteske rute, sar so sitoj Ruta 4. Baripe dromutnipasko kotar pokipe dromesko ano akava berš ačhavdilo thaj epidemia korona virus sinola konsekvence, ama akava na ka trajil sa vakhti thaj amen lungara te investirina thaj te lačara neve auto-dromja. Pobuder kotar 200 km auto-dromja siton ano lačardipe thaj odola auto-dromja vaš disave berša ka oven ano sistemi pokibe dromesko”, phendja Mihajlovićka.

 

Voj phendja kaj, uzo auto-dromja save siton uč ano lačardipe, sar so sito Moravako koridori jase auto-drom Sremeski Rača-Kuzmin, po agor avgustesko ka ovol hramimo ini tenderi vaš etapa Niš-Pločnik.

 

Direktori Sektoresko vaš pokipe dromesko JP “Putevi Srbije”, Milenko Caković, phendja kaj talo pokipe dromesko ani Srbia 820 km auto-dromja, sar ini kaj ano nakhlo berša sine trujal 57 milijojna automobilja ano auto-dromja thaj reslilo trujal 27 milijarde dinarja avipelovengo kotar dromutni.

 

K.b. direktori firmako “Putevi Srbije” Zoran Drobnjak phendja kaj akaja firma labarinol tiknaripe dromutnipasko kaj ano akava berš kerela rehabilitacia trujal 190 km auto-dromja.

 

“Pozitivno sito ini so bajrola gendo konzumetjengo elektronikano pokipe dromesko, e trujal 17 šelestar anglo disave berša, ano momentalno trujal 60 šelestar vaš dromutnengo thaj trujal 77 šelestar vaš pharipasko dromutnipe. Ka lungara te kera buti pedo odova te mothava e dženutnenge ano dromutnipe kaj pošukhar te labarinen elektronikano pokibe dromesko, soske po sig nakhena, siolen ini disavo telipe lovengo, a reso sito amaro te ovol pobuder kotar 90 šelestar”, phendja Drobnjak.