RSS

You are here

Mihajlovićka: Po buder kotar 20.000 kamiojna e roba nakhla prekal Srbia sar te ovelolen dizutne amara phuvjake thaj regioneske

Pharipasko/robako dromutnipe ani teritoria Republika Srbiako ano vakhti avrirndomo situacia thaj limitirimo phiribe vaš bufljaripe virusesko COVID-19 funkcionišinela bi bare problemjengo, phendja Telopresidentka Thagarutna Srbiaki thaj ministarka vaš lačardipe, dromutnipe thaj infrastrukura, prof. dr Zorana Mihajlović.

 

“Kotar 15. marti, kana čhivdilo avrirndomi situacia, klidutnipa e idžeske divea, ani Srbia khuvde 20.802 kamijojna, odolesta 9.529 kamijojna roba vaš amari phuv, a 11.273 kamijojna sine ano tranziti. Numa idž ani teritoria Srbiaki khuvde 2.119 kamijojna, kotar odova 952 ani amari phuv thaj 1.167 lungarde drom podur, prekal tranziti, save anena roba thaj habe dizutnenge ano Srbia thaj regioni”, phendja i Mihajlovićka.

 

Telopresidentka Thagarutnaki phendja pana kaj sitoj ano savakhtuni komunikacia e resorno ministribjenca kotar phuvja ano maškharipe thaj pobuflje, sar te kerolpe transporti thaj anibe robako dizutnenge bi problemesko.

 

Tradutne kamijojnenge siton cidime kotar stopiribe phiribasko thaj nakhena prekal sa kontrolno napja. Kherutne tradutne avena dži ko than kote mukhena roba thaj palem nakhena ko sanitarno inspektorja thaj ovena izoluime dži aver tradipe. Kana sito lafi kotar kamijojna ano tranziti, von musaj te mukhen teritoria Srbiaki ano roki kotar 12 satja e khuvibasta ani phuv.