RSS

You are here

Mihajlovićka: Pratsav Crna Goraki politikani, pratsav amare Direktoratesko ekonomikani

“Thagarutni Republika Srbiaki putardja pere samatrende vaš sarenenge, na čhivdjam epidemiologiake-protekcionistikane napja, soske bešlam amare epidemiologenca, dikhlardjam situacia thaj halilam kaj šaj te putara amare samatrende. Pratsav kaj amare dizutne našti te khuven ani Crna Gora sitoj politikani thaj vaš olake saren cidena škodra-ini amare ini crnogorake dizutne. Ma save samatrende thaj blokade ani Evropa ano 21. šelberšutnipe siton biadikharde thaj adžukharava kaj odova sig ka agorisinolpe”, phendja taharako Telopresidentka Thagarutna Srbiaki thaj ministarka vaš lačardipe, dromutnipe thaj infrastrukturake, prof. dr Zorana Mihajlović.

 

Voj, dostuipa ani “Tema jutra” ani TV Prva, phendja ini kaj pratsav Direktoratesko civilno aerotradipe te stopirinolpe fulipe aviojnengo “Montenegro erlajnsa” ani Srbia ekonomikani.

 

“Nane ano odova nisavo konflikti ni politika. Pratsav šuži ekonomikani. Amari nacionalno avio-kompania “Er Srbija” dendja rodipaskolil vaš fuljaripe ani Crna Gora thaj dži avdisutno dive nane leli mukhlipaskolil. Palem kerdili pratsav crnogorako thagarutnipasko kotar stopiripe khuvipe amare raštrutnengo ani Crna Gora thaj “Montenegro erlajns” rodindja mukhlipaskolil vaš pana urjavipe. Pheneni mange savo ministari ani amari thagarutni pedo sa odova šaj te phenol: “Va, šukhar, nane problemi”? Sar ministarka dromutnipaski, me našti te kerav opipe interesi ma phuvjako”, phendja voj.

 

Telopresidentka Thagarutnaki phendja pana kaj pratsav Crna Gorako škodra vaš sarenenge-ini vaš Srbia, Crna Gora thaj sa regioni, soske saren amen sijam akaboka tikne, kaj mangelape te adikharahape khupate, a na te kera problemja jekh avereske.