RSS

You are here

Mihajlovićka: Publikako sastipe prioriteti, te ovelamen godaripasko keripe

Ka dikha sar po dur ka ovol, me sigurno mi buti ano Ministribe ka kerav sar dži akana”, phendja avdive telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović.

 

Voj, pedo pučhipe žurnalistjengo kana sikhavdili kampanja “Trin sekunde sa dživdipe”, phendja kaj akava vakhti vaš seriozno thaj godaripasko keripe, thaj vaš odova phenela dizutnenge te šunen turvinutnipe doktorjengo, soske publikako sastipe pedo angluno than.

 

“Kana sitoj buti kotar realizacia projektjengo, ka da amaro maksimumi te kerolpe pedo kontrakteski dinamika. Numa, akaja globalno kriza, khonik odote Srbia na kerdja došalipe thaj vaš odova ka ovelamen disavo palalačhavipe kotar 20 dži 30 dive”, phendja voj.

 

Telopresidentka Thagarutnaki ulavdja kaj semno sitoj te garava publikako sastipe sarenengo, a palem te gndina ini kotar ekonomikane konsekvence thaj pana phendja kaj sitoj gata ano Ministribe sastipasko te ovol volonteri te sine kaj manglape.