RSS

You are here

Mihajlovićka: Raštra investirindja 14 milijarde ando droma ano Šabac

“Raštra investirinela ano Šabac thaj Mačvako regioni, thaj odova dizutne dikhene. Ano nakhle štar berš investirindjam 14 milijarde dinarja ano lokalno thaj regionalno droma, ta na vakharav kotar lačardipe sigutni dromutnikani thaj auto-drom Ruma-Šabac-Loznica, investicia savi sitoj molipa kvaši milijarda evrja ano lungipe kotar 77 km”, phendja Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović.

 

Voj, dostuipa aratike ani emisia šabaceski TV As, phendja kaj sito bimukhlutno e dizutnen te ulave pedo odola ano angluno thaj dujto rndo sebepi vaš kaske avazinena thaj Thagarutni Srbiaki investirinela ano sakova kotor amara phuvjako.

 

“Vaš amenge nane baro thaj tikno drom. Akale agoreske falinena šukhar droma soske sakole investitoreske drom thaj sastrnalutni kotar klidutno semnibe. Kotar nevo investiciako plani 340 km droma ka kerenpe ano Mačvako regioni, majangle rehabilitacia dromengi. Vaš te pašakhara neve investicie semno sito te investirina ani infrastruktura, soske odova semninela pošukhar šartja vaš dživdipe  sa amare dizutnenge”, phendja voj.

 

Mihajlovićka pana phendja kaj infrastruktura sebepi disave poangle ministarja sinetoj vaš hajgarake, ama šelutne kilometarja lačarde thaj rekonstuišime droma vakharena kotar odova kaj sa so akana phendilo ini kerdilo.

 

“Srbia avdive siola stabilno budžeti thaj šaj te garantuinol milijarde evrja molipaske projektja. Kera neve 500 km auto-dromja soske amenge kotar baro semnipe phandipe e regionea, ama ini ano  andrunipe phuvjako. Amen avdive sijamen ini trin maškharthemutne aerodromja, maškhar olende ini majsig barjarutno “Nikola Tesla”, investirina milijojna evrja ano pajnesko dromutnipe, urbanizmi ano nijekh momenti na ačhilo. Soske amaro reso sito dizutne te ačhon te dživdinen ani piri phuv, sarenenge te resa šartja vaš pošukhar thaj pokvalitetno dživdipe”, phendja ministarka Mihajlović.