RSS

You are here

Mihajlovićka: Reso Srbiako te ovol ando pondž anglune phuvja ani lumia pe šartja bizniseske

TelopresidentkaThagarutna Srbiaki thaj ministarka vaš lačardipe, dromutnipe thaj infrastruktura,  prof. dr Zorana Mihajlović, adikhardja avdive bešipe Khupatna grupako vaš anglunisaripe pozicia Srbiaki pedo Doing lista Lumiaka bankaki kotar šartja bizniseske.

 

Ano bešipe, saveste sine, maškhar aver, lele kotor resorno ministri finansiako thaj ministri vaš rudaripe thaj energetika, Siniša Mali thaj Aleksandar Antić, sine lafi ini kotar podur aktivipe Srbiako pedo anglunisaripe poziciako ani akaja rang-lista thaj kerdili konstatacia kaj džiavdisutne reforme save amari raštra realizuindja, po ulavdipe ano sektori lačardipasko čhivipa elektronikano urbanistikane mukhlipaske lila, pedo savo sijam uč pendžardile ani lumia, sikhavde kobor sito moldikano te lungarolpe podur drom reformako.

 

„Gatisardjam ambiciozno akciono plani vaš podur anglunisaripe pozicia Srbiaki ani Doing businnes lista, savi Thagarutni Srbiaki ano so maj sig roki ka lel. Amaro reso sito kaj ano disave berša save avena ava ano anglune pondž phuvja lumiake pedo šartja bizniseske. Ini uzo baro labdaripe kana dikhelape ikalipe urbanistikane mukhlipaske lila, ka lungara podur lačaripe ano akava sektori, adžukharava kaj ini ano aver sektorja-kotar starti bukjako, konekcia pedi elektrika, katastri, leipe  kreditja thaj aver, te kera musajutne zoralipe thaj labarina potenciali vaš so pobut te anglunisara“, phendja i Mihajlovićka.

 

Sa akterja bešipaske sikhavde gatisaripe kaj ano rami pere jurisdikciako nakhena ano realizuipe aktivipasko kotar gatisarde akciono plajna.

 

Ano bešipe lele kotor ini raštrako sekretari ano Ministribe ekonomiako Dragan Stevanović, ažutno ministarkako vaš jurisdikcia Čedomir Backović, direktorja Republikako geodetsko zavodi thaj APR, Borko Drašković thaj Milan Lučić, direktori Kancelariako vaš IT thaj e-direkciako Mihailo Jovanović, sar ini direktorka vaš regulatorno reforma ano NALED-i Jelena Bojović.