RSS

You are here

Mihajlovićka Romenge thaj Romnjenge: Ma deni te pheren tumaro šero kaj nane tumen jekha jekh hakaja

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, dikhlardja avdive e šefea Delegaciako Evropaka Uniako ani Srbia, Sem Fabricijea thaj dizakopočekatunea Valjevako Lazar Gojkovićea romano bešipaskothan ani akaja diz thaj kotor odova phendja kaj majmoldikano buti sarenengo te legara logari kotar sa dizutnenge ani Srbia te dživdinen pošukhar, po ulavdipe kana sito lafi kotar Roma thaj Romnja, ulavdi hačarimaski grupa.

 

“But bukja kera kupate ano akava sektori e amare evropake partnerjenca thaj kamlo sito mange so EU amaro amal ini pedo akava pučhipe. Nane odova numa pučhipe lovesko, uč kupatni buti te alosarinahape e barijerenca, ama ini darikane sterotipjenca savena saren dživdina.Te sine kaj sijam kupate ano odoja buti-raštra, lokalno korkoridirekcia, uzo devipedumo EU thaj BThO sektori, palem po sig ka agorisina problemja. Thaj moro akharipe Romenge thaj Romnjenge  sito tana daran, te roden buti, te džan ko dizakopočekatuno thaj ta na mukhen te pheren olengo šero kaj siton aver čhane thaj kaj nanolen nisave hakaja. A amen ka dikhlara kaj čhinavdipe dživdipasko ovela pošukhar-kaj čhavore ano tehnipa džana ani škola, a daja thaj dada siolen buti”, phendja Telopresidentka Thagarutnaki.

 

Mihajlovićka, savi preseduinela Koordinaciake trupea vaš dikhlaripe realizacia nacionalno Strategiako vaš socialno inkluzia Romengo thaj Romnjengo, phendja kaj ini prekal programi savo realizuina e EU ka oven lačarde apartmajna vaš akava romano bešipaskothan ano savo dživdinena 30 čhavore.

 

Sem Fabrici lepardja kaj romani kupatni majbari minoritetjengi kupatni ani Evropa, ama pedodukhipe majčalavdi thaj majbut diskriminišimi thaj kaj ano maškharipe e raštra thaj lokalno korkorodirekcia šaj te kerenpe adamja.

 

“Mere timea dikhava sar tumenge te kerav dživdipe pošukhar. Socialno inkluzia semninela but barijere kana dikholape edukacia, khuvipe pi buti thaj bešipe ano khera. Te sine kaj šaj te arava olen-čhavorenge te reselpe edukacia, bijandutnenge bukja thaj familiake kher, palem kerdjam labdardipe. Vaš akala aktivipe dendjam donacia kotar 30 milijojna evrja Srbiake thaj anglunipe kerdilo-pobut romane čhavore ano škole, pobut Roma thaj Romnja siolen čat pedo šero thaj kerdile dokumentja”, phendja Fabrici thaj pana phendja kaj ano aprili romana khupatnake ani Valjeva reslile paketja vaš polokhe dživdipe ani epidemia.

 

Lazar Gojković, dizakopočekatuno Valjevako, naisardja telopresidentkake thaj ambasadoreske pedo sa džiavdisutno ažutipe, phenipa kaj Valjeva ka lol kotor ano sa aktivipe savo siole reso socialno inkluzia, a poulavdipe edukacia thaj khuvipe pi buti.

 

Dragan Gračanin, direktori Asocijako koordinatorjengo vaš romane pučhipe  ani Valjeva, phendja kaj bi nacionalno suporti, lokalno thagarutne thaj partnerja kotar EU sar majbaro donator, situacia našti te ovol pošukhar.

 

“Ani epidemia korona virus but diso sikhlilam. Lelam te mapirina sastipaske rizikja thaj te adresirina odote kote agorisinenape. Sijamen 60 koordinatorja ani bufljardi Srbia. Pedo but amare iniciative dendilo amboldipe-bešipaskethana  siolen pani, but olendar phandile pi elektrikano sistemi. Sijamen devipedumo ano nacionalno niveli, kotar Telopresidentka Mihajlović thaj evropake partnerja, ama musaj te la majangle kotar amen thaj amaro obori”, phendja Gračanin.