RSS

You are here

Mihajlovićka: Sa 236 amandmajna pedo amare kanunja savengo leipe musajutno vaš sigutno infrastrukturno barjaripe Srbiako

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja kaj pedo 13 kanunja thaj pratsavja save arakhenape ano Parlamenti dendilo sa 236 amandmajna, kotar save majbaro gendo siton bilabadripaske, a save dende senatorja Srbjengi radikalno stranka.

 

“Leipe akale kanunjengo sito kotar baro semnipe vaš dizutne Srbiake soske olenca pana ka sigarolpe realizacia sa neve infrastrukturake projektja molipa pobuder kotar ina milijarde evrja”, phendja i Mihajlovićka.

 

Telopresidentka Mihajlović pana phendja kaj Thagarutni Srbiaki kotar sasutno gendo dendutne amandmajna lela 25, save paše sa dende senatorja SRS-ke, “soske ini akaja situacia sikhavdjam kaj amenge ano interesi kaj kanunja te oven pokvalitetno”.

 

“Pedodukhavipe, sa aver amandmajna save dende senatorja Srbikane radikalno stranka, olenda pobuder kotar 200, siton bilabardutne, numa trin save sinolen disavo gndipe thaj save lelile. Ano sa odola amandmajna numa hraminela “koselape”, so sikhavela kaj akale senatorjenge nane manglipe te keren diso vaš te lačaren kanunja save ka oven ano interesi dizutnengo Srbiako, uč politikanipe bazirimo pedo but personalno čhungaripe sar mande, adžahar ini Ministribe”, phendja i Mihajlovićka.