RSS

You are here

Mihajlovićka: Sa sito gata, tahara sito starti bukjengo ano auto-drom Beograd-Sarajevo

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja avdive kaj kupatne infrastrukturake projektja Srbiake thaj Turkiake semne vaš regionalno phandipe, ama ini vaš nevo džandipe thaj neve tehnologie save pedo adžahar čhand avena ani Srbia.

 

"But semno so lelape te realizuinolpe projekti savo inicirinde presidentja Srbiako thaj Turkiako, lačardipe angrustik auto-drom Beograd-Sarajevo. Gatisaripaske bukja ani angluni etapa akale auto-dromesko, kotar Sremeski Rača dži Kuzmin,  siton agorisime, thaj tahara sito leipe šerutne bukjengo, maj angle pedi purt prekal Sava. Adžahar semno so kaj pedi akaja etapa ka ovelamen ini khupatno samatrendako nakhavipe maškhar Srbia thaj Bosna thaj Hercegovina", phendja i Mihajlovićka vaš RTS.

 

Voj phendja pana kaj adžukharela kaj bukja ani akaja etapa ka oven trujal duj te kvaš berša, dži vaš dujto etapa, kotar Požega dži Kotormani, kerelape projektesko-tehnikaki dokumentacia vaš savi adžukharelape  te ovol agorisimi ano berš so avela. "Leipe bukjengo ano odoja etapa šaj te adžukharelpe ano 2021. berš. Adžahar, akaja turkiaki kompania save lačarela duj etape auto-dromeske Beograd-Sarajevo, ka kerol ini rekonstrukcia dromeski Novi Pazar-Tutin, a kerela ini pedo lačardipe soliterjengo ano Vranje thaj Niš", phendja i Mihajlovićka.

 

Voj pana phendja kaj manuša ani Srbia siklile kaj turkiake kompanie putarena neve produkciake pogojna thaj fabrike, maj angle uzo Koridori 10, ama semno si kaj so pobut siton ini ani umal  infrastruktura. "Jekh kotar majšukhar turkiake kompanie,"Enke", ka kerol kupate e amerikaka kompania "Behtel" pedo lačardipe Moravako koridori, so sito projekti kotar savo adžukhara te anol kompletno nevi tehnologia ani umal infrastruktura ani Srbia", phendja i Mihajlovićka.