RSS

You are here

Mihajlovićka: Sar so dendjum ini lafi, lelam rekonstrukcia dromeski Šabac-Sremeski Mitrovica

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, lela kotor avdive ano starti bukjengo pi rekonstrukcia raštrako drom Šabac-Sremeski Mitrovica.

 

"Sar so angle duj masek kana vizituindjum ThK  Majur dendjum lafi, la te kere rekonstrukcia raštrako dromesko kotar Šabac dži Sremeski Mitrovica. Amari buti sitoj te kera šartja vaš saren te dživdinen pošukhar, manuša te ačhon pe familienca te dživdinen thaj te keren buti akate", phendja voj.

 

Mihajlovićka phendja kaj but var ano Mačvako reoni thaj ano Šabac soske mangela te sikhavol dizutnenege kaj Thagarutni Srbiaki thaj presidento Republikako na kerena ulavdipe pedo odova ko kaske dela po avazi, uč kaj sa dizutne jekha jekh thaj raštra ka kerol sa so šaj te ažutinol ano barjaripe infrastrukturako.

 

"Našti te ulava dizutnen prekal odova vaš kaske avazinena. Anglo trin berš, kana simaj ano Bukor, sine but dukhavno te dikhelpe kaj odote khanči na kerelape soske na sine kotor dizutnaka thagarutnake. Odotar andžum pratsav te ažutina kaj sakova drom savo šaj, te rekonstruišina. Nais vaš tumaro ažučaripe, ka kera sa so šaj", phendja voj.

 

Mihajlovićka phendja kaj ano pučipe raštrako drom lungo šov kilometarja thaj phando e vakteske šartjenca ano akava berš ka ovol agorisimo majhari trin kilometarja.

 

"Bi dromjengo thaj infrastruktura nane ni barjaripe. Uzo lokalno droma thaj prugenge nakhavipe save lačara, ano novembari startuina lačardipe auto-dromesko thaj sigutni dromutnikani Ruma-Šabac thaj Šabac-Loznica thaj odova ka ovol tasvesi sasoske so kupate e presidentoa Aleksandar Vučićea thaj Thagarutna Srbiaki kera buti sar sakova kotor amara phuvjako ovelola lačho drom", phendja voj.

 

Vladan Krasavac, počekatuno Mačvako direkciako regioni, phendja kaj avdisutno leipe bukjengo ano drom Šabac-S.Mitrovica dovada kaj raštra gndinela pedo lokalno korkorodirekcie thaj pana phendja kaj sa so e ministarka Mihajlovićka vakhardilo ano paluno bešipe kana dikholape infrastrukturake projektja ini realizuisalo.

 

"Akava nilaj Šabac thaj Mačvako regioni sine dromutnikano infrastrukturako bukjako thanipe. Leipa buti ano auto-drom thaj sigutni dromutnikani ka dža ano nevo baro adamo barjaripasko ano akava kotor Srbiako", phendja Krasavac.

 

Ivan Nešković, presidento ThK Majur, phendja kaj sakova avipe telopresidentkako Thagarutnako ano akava agor semninela neve investicie thaj lepardja kaj kotar paluno bešipe kerdile sa mahale thaj prugake nakhavipe ano akava than.

 

"Bahtale sijam so alo dive kaj akava drom savo sina  but bilačho te kera rekonstrukcia. Dizutne Majureske sikhavde kaske pačavinena, a amen kerdjam dovada kaj sijam maksimalno vaš butipe kaj akava kotor Srbiako kera polačho than vaš džividpe", phendja o Nešković.

 

Zoran Drobnjak, direktori "Putevi Srbije", phendja kaj naisaripa Thagarutni Srbiaki thaj resorno ministribe  ani teritoria Šabaceski kerdilo 22 km drom thaj kaj ano akava berš majhari trin kilometarja ka ovol rekonstruišimo ano akava raštrako drom.