RSS

You are here

Mihajlovićka sebepi Dive leparnipe pedo viktimja Holokausteske: Marahape opipe fašistja ini avdive

“Avdive kana adikhara Dive leparnipe pedo Holokausti savo kerdilo pedo Roma ano Dujto lumiako mareba, kana pobuder kotar kvašo milijoni mudardile ano bufljardi Evropa, moldikano sito te bičhala phendipe kaj rasizam thaj diskriminacia sito diso opipe savo sakovadive musaj te marahape”, phendja Telopresidentka Thagarutna Sribiaki, prof. dr Zorana Mihajlović.

 

Voj sebepi 2. avgusti, kana adikharelape Evropako dive leparnipe pe Holokausti pedo Roma, ano savo 1944 ano sph. “Zigeunerlager” ano Aušvici 3.000 Roma thaj Romnja legardile ano gasno komore thaj brutalno mudardile, phendja kaj nijekh amalipe ano save ini avdive balvalinena ideje nacizmeske thaj fašižmeske našti te džal angle.

 

“Amalipe ano savo disave političarja thaj dženutne sastune organizaciengo, so ini avdive sijamen ani Srbia, akharena pe pedozoralipe thaj incidentja. Legardime fašistikane idejenca, nane amalipe ano savo manga te dživdinen amare čhavore. Te sine kaj manga te nakha angle thaj te barjarova, musaj te kera davia sakova adžahar akti, sar so musaj šuže thaj avazea te mothava pedo sakova diskriminatorengo keripe thaj negativno narativi savo von adikharena”, phendja voj.

 

Mihajlovićka, savi preseduinela thagarutnake Koordinaciake trupea vaš dikhlaripe realizacia Strategiako vaš socialno inkluzia Romengo thaj Romnjengo, phendja kaj mangelape ano školake pustikja so pobut te dolpe than akale “bistarde Holokaustesko”.

 

“Kotar but baro moldikanipe vaš amare čhavore tiknipasta te sikhava kobor sito moldikano te pačhavinen jekh avereste, bi dikhipa pedo rasako, etnikano jase religiako džendunipe. Te sikhava olen te džanen te pendjaren stereotipja thaj anglodavijutnipe thaj opipe odola te marahape. Adikharava kaj kotar mudaripe romano themesko pobut than ka delpe ano avutne pustikja, sar te akava “bistardo Holokausti” pedo čačikano čhandipe sikhavela pe bičačipe sava Roma thaj Romnja ini avdive malavdinenape”, dendja klidutnipe Mihajlovićka.