RSS

You are here

Mihajlovićka sebepi Evropako kurko mobilipasko: Te kera dživdipasko maškharipe po sastipasko

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, vizituindja avdive e ambasadorea Evropaka uniako ani Srbia Sem Fabriciea Kruševaci, sebepi leparnipe Evropako kurko mobilipasko, tali parola ”Mobilipe bi skrbal vaš sarenenge”.

 

Mihajlovićka odole sebepeske phendja kaj moldikano sito avdive saren kupate te bičhala zoralikano vakheripe sa dizutnenge ani Srbia, ama ini amare partnerjenge ani EU, kobor sito semno akava kurko thaj kaj amaro reso te ova ano rami e standardjnca EU-ke, soske odova sito samalipe vaš amaro avutnipe.

 

“Ministribe kupate e SKGO-eja sito nacionalno koordinatori urbano mobilipaske. Sar khonik savo kamela te ovol maškhar majšukhar, a EU ano odova čhivela standardja, musaj te phenav kaj na sim pherdo čhaljardi soske kotar 174 lokalno korkorodirekcie numa 26 registruisalo te len kotor ani akava kurko. Musaj te ovo posig thaj poaktivno soske odova sito šukhar vaš amaro amalipe. Jekh kotar majbare zumavipe ani sa lumia sitoj uluvipe dživdipasko maškharipe, a odova sito pučhipe egzistiripe barjaripasko sar generacienge save avena te resolpe te dživdinen ani pošukhar thaj uluvimo dživdipasko maškharipe”, phendja voj.

 

Mihajlovićka phendja kaj Ministribe ano avutno berš ka dol todinipe lokalno korkorodirekciake savi majbut angažuinelape ano akava sektori.

 

“Sar zumavipe ka da todin kotar jekh milijoni dinarja dizake jase komunake savi majbut angažuinelape ano sektori urbano mobilipe. Sar raštra andjam strategia thaj direkcie, ama moldikano saren pobut te angažuinahape thaj te arakha dizutnenge šartja te oven pomobilno avri automobilesta”, phendja voj.

 

Sem Fabrici akhardja sa dizja thaj komune ani Srbia te len kotor ano leparnipe Evropako kurko mobilipasko, savo kerelape ani sasutni Evropa.

 

“Ano 49 phuvja Evropake ka realizuinenpe aktivipe sar ini akate ano Kruševaci-kotar phiripe, tradipe biciklea thaj elektrikane automobiljenca, e resoa kaj sa kontinenti ovela neutralno po pučhipe  emisia karbonesko ano avutne 30 berša. Bičhala trin moldikane phendipe-te tiknara skrbal aerosko, te labarina alternativno tipja phiripaske thaj kaj publikako thanutnipe inara dizutnenge, soske vov perela olenge, a na automobiljenge”, phendja Fabrici.

 

Dizakopočekatuni Krušavaceski Jasmina Palurević phendja kaj diz lošali sebepi todin kotar  Evropako kurko mobilipasko vaš majbaro angažuipe ano 2019. berš, savi lela.

 

“Diz Kruševaci lela bari todin thaj nais sarenenge save lele kotor ano odova thaj odova kerde. Lelam te kera ladžavipa, cidipa polokhe dromutnipe kotar centri dizako, pobuder phiripa. Palem lelam te anglunisara infrastruktura thaj te labarina aver tradipaske vastušeja. Akharava saren kaj ini bi kurko mobilipasko te phiren thaj te labarinen alternativno čhandipe tradipaske”, phendja voj.

 

Djordje Staničić, generalno sekretari SKGO, phendja kaj Kruševaci čhivgjape ano evropaki karta thaj kaj ka lungarol te kerol ano odova drom.

 

“Nais telopresidentkake, savi sitoj nacionalno koordinatori ano akava sektori, pedo devipedumo. Pana pobut lokalno korkorodirekcie ano akava berš ka len kotor ani Evropako kurko mobilipasko, a amaro reso sito so pobut dizutne te len kotor ano aktivipe save cidena angle”, phendja Staničić.

 

Joakim Vern, javerutno ambasadori Švedskako, phendja kaj diz Kruševaci ano nakhlo periodi but kerdja ano anglunisaripe kvaliteti dživdipasko pere dizutnengo, thaj kaj oleske but šukhar so Švedska ano odova ažutindja.