RSS

You are here

Mihajlovićka: Sijamen agorisipe vaš konflikti RGZ thaj publikake notarja, dizutne veke nane musaj te džan ano šalterja vaš lil manginesko

Telopresidentka Thagarutna Republika Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, adikhardja avdive bešipe e direktorea Republikako geodetesko instituti (RGZ) Borko Draškovićea thaj vastalutnenca Publikakonotarjengi komora, save legarela Srbislav Cvejić, a phando e ikalipa  lil manginesko vaš dizutnenge.

 

Pedo akava bešipe astardilo halovipe kotar teksti Regulaciako savo ka ovol dikhlardo ano angluno bešipe Thagarutnako. Te sine kaj Thagarutni lela akava bahami Regulaciako, dizutne veke nane musaj te džan vaš lileske mangipasko ano šalterja RGZ, uč kompletno buti nakhavipe manginesko ka agorisinen ko notari.

 

Uzo akava pučipe, vakhardilo ini kotar efikasno procedura registruipe manginesko, reforma katastaresko thaj anglipe Srbiako ano Doing business lista.

 

“Sar so nadur lačardjam jekh baro bičačipe thaj reslam pobuder kotar 30.000 dizutnenge  Srbiake te šaj te registruinen poro mangin ano katastri manginesko, adžahar amenge sito reso kaj ini aver servisja katastareske ovena maksimalno efikasno vaš dizutne, ta na ovelamen gužve ano šalterja, a odote moldikani rola ini RGZ-eski thaj Publikakonotarjengi komora”, phendja i Mihajlovićka.

 

Telopresidentka Thagarutnaki phendja kaj ka lungarol e reformišiba RGZ, sar akaja institucia te funksionišinol pana poefikasno thaj te resol podur šukharipe biznisesko ambijenti ani Srbia.

 

“Procedure save legarela RGZ siton but moldikane ini vaš anglunipe Srbiako pedo Doing business lista Lumiake bankaki, kaj registribe manginesko ovela jekha jekh efikasno sar ini inkalipe urbanistikane mukhlipaske lila. Adžahar, RGZ ka ovelola semni rola ini ani reforma thanutnikano plajna, e-thanutnipe, savo ka resol kaj elektronikani procedura čhivelape ini ani umal planeske dokumentacie”, phendja Mihajlovićka, savi sitoj ini presidentka Kupatne grupako vaš anglunisaripe pozicia Republika Srbiako ani rang-lista Lumiako bankako kotar šartja bizniseske-Doing business.