RSS

You are here

Mihajlovićka sikhavdja e Fiskalno konsileske nevo investiciako ciklusi ani infrastruktura

Telopresidentka Thagarutna Srbiaki thaj ministarkavaš lačardipe, dromutnipe thaj infrastruktura, prof. dr Zorana Mihajlović, vakhardja avdive e dženutnenca Fiskalno konisileske kotar nevo investiciako ciklusi thaj  maj prioritetno infrastrukturake projektja ani umal dromutnipe.

 

Mihajlovićka phendja kaj ano akava berš agorisinenape bare investicie ani infrastruktura save lelile poangle, poulavdipe mesmer thaj javinuno khak dromesko Koridori 10, thaj kaj Thagarutni andja pratsav te nakholpe ano lačardipe neve auto-dromja.

 

"Šerutno kriterijumi, kana alosardjam projektja, sine regionalno phandipe, sar ini konekcia andral Srbia, jase phanipe duj šerutne koridorja. Majbare thaj majsemne projektja pedo savo kera buti thaj pedo save ka la te kera buti siton Moravako koridori, angluni deonica auto-drom Beograd-Sarajevo,  kotar Sremeski Rača dži Kuzmin, palem trasa auto-drom"Miloš Veliki" kotar Preljina dži Požega, palem trasa Niš-Pločnik, auto-drom thaj sigutni dromutnikani Ruma-Šabac-Loznica, a adžahar ka kerolpe ini tehnikani dokumentacia vaš nevo auto-drom"Vožd Karadjordje", phendja i Mihajlovićka. Voj pana phendja kaj uzo lačardipe nevo auto-dromjengo ka kerolpe pi rehabilitacia raštrake dromjengo so si akana.

 

Vakheripa kotar sastrnalutni, Mihajlovićka phendja kaj uzo lačardipe sigutni pruga Beograd-Budimpešta uč hramisardilo kontrakti ini vaš projekti modernizacia, rekonstrukcia thaj elektrifikacia soačile trase ani pruga Beograd-Niš-Preševo, vakhara ini kotar neve pampurja te lenpe", phendja i Mihajlovićka, thaj pana phendja kaj ano nakhlo periodi semne rezultatja reslile ini ano reforma sastrnalutnako thaj barjaripe efikasipe sastrnalutne firmengo.

 

Vakhardilo, maškhar sa aver, ini kotar projektja ano pajnesko dromutnipe, majangle kotar modernizacia portjengi infrastruktura thaj arakhipe pajnesko tradipe Savako thaj Dunavesko kotar sa o berš, kotar planirime investicie ano trin maškharthemutne aerodromja ano Beogradi, Niš  thaj Kraljevo, sar ini plajna vaš barjaripe aver tikne aerodromja, sar ini kotar projketja ani komunalno thaj socialno infrastruktura.

 

Pedo bešipe dikhlardile ini plajna phande e publikake investicienca kotar jurisdikcia Ministribasko save planirinenape budžetea vaš 2020. berš.

 

Presidento Fiskalno konsilesko Pavle Petrović dendja konstatacia kaj dikholape so si lošalipe thaj politikano manglipe te barjarenpe publikake investicie, pedo save Fiskalno konsili insistirinela uč beršenca, a so putarela šaipe kaj ano maškharutno roki, ano 4-5 berša so avena, kerlape kvalitetno adamo ano akava plani.