RSS

You are here

Mihajlovićka: Srbia angluni ano regioni kerdja studia kotar njamesko jekh jekhipe ano transporti

Telopresidentka Thagarutna Republika Srbiaki thaj presidentka Koordinaciako trupesko vaš njamesko jekh jekhipe, prof. dr Zorana Mihajlović, phendja avdive kaj Srbia sitoj angluni phuv ano regioni savi kerdja studia kotar njamesko jekh jekhipe ano dromutnikano sektori, savo ka ovol angluno fundo ini kana ka kerolpe nevi strategia dromutnikanipaski.

 

Mihajlovićka, putaripa konferencia “Sikavipe klidutno rezultatja studiako “Njamesko jekh jekhipe ano dromutnikanipe ani Srbia””, phendja kaj akaja analiza sikhavdja kaj kotar sa gendo bučarne džuvljengo numa 2,3 šelestar kerela buti ano sektori dromutnikanipasko, kaj džuvlja siton 20 šelestar bučarne ano akaja ekonomikani ranik, sar ini kaj but hari siton ano vastalutne thana.

 

“Našti te ulava nisavo sektori, thaj adžahar ni sektori transportesko, kotar njamesko jekh jekhipe. Transporti nane numa lačhe droma, transporti siton ini konzumentja, a džuvlja sar konzumentja siolen but problemja save podur kerena presia ini pedo olengo šaipe te khuven pi buti thaj pašloipe ano amalipe. Manga te kera ano lačardipe kvaliteti dživdipasko sa amare dizutnenge, thaj vaš odova anglunisaripe transportesko servisi ka ovol jekh kotar semne kvalifikacie ani nevi strategia dromutnipaski”, phendja i Mihajlovićka.

 

Voj phendja kaj keripe studiako pioniripasko projekti vaš Srbia thaj angluno semno pato ano astaripe pobaro njamesko jekh jekhipe ano sektori transportesko, a savo ka ovelole keripe ini ano aver sektorja, soske situacia njamesko jekh jekhipe ano dromutnikanipe piltarela ini bufljardi situacia ano amalipe.

 

Menadžerka Lumiako bankako vaš transporti vaš Evropa, Karla Gonzalez Karvahal, phendja kaj ano transportjengi politika ovela semni njameski komponenta thaj urbano mobilipe, save pharuvinena čhandipe pedo savo gndina kotar dromutnikanipe.

 

“Srbia nakhela dromea savea nakhli ini Evropa, kaj halovela kaj transporti nane njamesko neutralno, thaj studia savi kerdili sitoj angluno pato ano odova drom. Poulavdipe si semno so telopresidentka Thagarutnaki phendja kaj rezulttatja studiake kotar njamesko jekh jekhipe ano dromutnikanipe ka oven čhivde ini ani nevi transporteski strategia”, phendja voj, thaj pana phendja kaj Lumiaki banka gatisarimi te dol sasavo suporti pe akava pučhipe.

 

Šefi kancelariako UN Women vaš Srbia, i Milana Rikanović, phendja kaj njamesko jekh jekhipe musaj te dikhljarolpe sar komponenta ano sa sektorjenge politike, sar vaš te resolpe jekha jekh šaipe labaripe resurja thaj servisja ano amalipe, sar ini pašaripe hakajenge thaj marketeske vaš džuvljenge thaj muršenge.