RSS

You are here

Мihajlovićka: Srbia deladumo Belgiake vaš alosaripe ano Konsili Maškhathemutni derjaveski organizacia

I Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura prof. dr Zorana Mihajlović malavdisali avdive e ambasadorea Kraljevina Belgiaki ani Srbia Koen Adamea savea vakhardja kotar šaipe  maškharipasko duje phuvjengo ani umal infrastrukturako thaj dromutnipen.

 

Ano bešipe sine svato ini kotar kandidatura Kraljevina Belgiako vaš realosaripe ano Konsili Maškharthemutni derjaveski organizacia.

 

"Srbia zorale deladumo e kandidaturake Belgiaki, so kerdam ini 2017. berš thaj pačava kaj šaj te resen vaš realizacia resja akala organizaciako, maj angle ano adikhardo barjaripe, derjavutnipa, ekonomikano barjaripe, uluvipe dživipasko maškharipe thaj arakhipasko dromutnipe", phendja i Mihajlovićka.

 

I Telopresidentka Thagarutnaki phendja kaj Srbia sitoj vaš anglunisaripe pajnesko dromutnipe ano save dekadenca nane investirisalo, thaj pendžardja ambasadore e neve investiciake ciklusea thaj infrastrukturake projektja savi Srbia inicirinela ano akava berš.

 

Аmbasadori Adam sikhavdja naisaripe vaš devipedumo savi Srbia dela Belgiake ani kandidatura vaš Konsili thaj pana phendja kaj belgiake kompanie siton interesime vaš infrastrukturake projektja ani Srbia.

 

"Legarena ministribe e but bare portfoliea, vaš todinipe sito sa so dži akana realizuinden. Interesuime sijam vaš neve projektja save inicirinena", phendja vov.