RSS

You are here

Mihajlovićka: Te kerolpe mreža prugengi thaj auto-dromjengi sito gndipe transportno barjaripe Srbiako

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, dikhlardja avdive bukja pi rekonstrukcia prugaki Jajinci-Mala Krsna thaj po lačardipe trasaki trujalutnodrom trujal Beogardi kotar Ostružnica dži Bubanj potok thaj vaš odova phendja kaj akava sito čhandipe pedo savo avdive Srbia barjola - phandipa aver aver forme dromutnipaske.

 

Mihajlovićka phendja kaj dži 2014. berš nane investirisalo ano  srbikane sastrnalutne, a on avdive siton strategiaki orjentacia Thagarutnaki.

 

"Sar so agorisindjam dromesko Koridori 10, adžahar kera buti ini pedo sastrnalutno, soske amenge sito reso te inara dromutnipe, poulavdipe kargo dromutnipe, pedo amare pruge. Srbia sitoj majharni ruta maškhar javinutno thaj rjačutno thaj vaš 350 km poharni ze te džalpe Koridorea 4. Ladžavo si so dekadenca nane investirisalo ano sastrnalutni", phendja voj.

 

Telopresidentka Thagarutnaki pana phendja kaj kotar vitalno semnipe vaš barjaripe Srbiako phandipe aver aver forme dromutnipaske.

 

"Inardjam sastrnalutne ani karta Evropaki, sar so odova kera e dromeske koridorjenca. Ano dromesko dromutnipe e 37 milijojna automobilja 2014. dži agor akale beršesko ka ovelamen 60 milijojna pobuder automobilja prekal amari phuv", phendja voj.

 

Miroljub Jevtić, direktori "Infrastrukture železnice", phendja kaj molipe bukjengo ani trasa Jajinci- Mala Krsna 39,2 milijojna evrja.

 

"Ka kera rekonstrukcia prugaki ano lungipe kotar 55 km, a uzo odova ini 13 km stanicake kolosekja thaj ka lačara nevi stanica ani Mala Krsna. Projekti talohalovela ini lačardipe šov bešutne thana, trin tunelja thaj duj purtja. Nais resorno ministribaske pedo manglipe te resenpe vastušeja sar amari sastrnalutni te ovol kotor evropakia sastrnalutni",phendja vov.

 

Slavoljub Tubić, ažutno direktoresko JP"Putevi Srbije", phendja kaj ano trujalutno drom trujal Beogradi but adžukhardilo, ama kaj akana bukja kerenape ano sa sektorja.

 

"Sa molipe bukjengo sito 207 milijojna, a on kerenape ano sektorja 4,5 thaj 6. Sektori 4 ka ovol agorisimo ano septembri  ano berš so avela, a aver duj dži septembri 2022", phendja o Tubić.

 

Jang Bo, direktori kinaka kompaniako "Power China" vaš Evropa naisardja e telopresidentkake thaj ministribaske pedi šansa kaj akaja kompania lela kotor ani realizacia adžahar semno projekti vaš raštrake.

 

"Lelam sa urbanistikane mukhlipaske lila thaj sa šartja si akate akaja buti te kera kvalitetno thaj ano roki", phendja vov.