RSS

You are here

Mihajlovićka: Te sine kaj sijam inato ani lumia pedo urbanistikane mukhlipaske lila, nane nisavo sebepi tana anglunisara ine aver sektorja butipaske

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, adikhardja avdive bešipe e raštrake sekretarea ano Ministribe ekonomiako Dragan Stevanovićea thaj oela vakhardja kotar podur anglunisaripe Srbiako pedo Doing business lista Lumiaki bankaki kotar šartja butipaske.

 

Mihajlovićka lepardja kaj Srbia ano Doing business lista e majšukhar phuvjenca ani lumia, majangle naisaripe reformengo ano urbanistikane mukhlipaske lila, kote sijam ano inato than ani lumia.

 

“But si than vaš podur anglunisaripe. Te sine kaj šaj kabilutno te realizuina reforme urbanistikane mukhlipaske lilengo, kote  ano 2014. sinam pedo 186. than, nane sebepi kaj odova šaj te kera ini ano aver sektorja, sar so sito leipe bukjako, registruipe hakaj po mangin jase agorisipe  bankrotesko”, phendja voj. 

 

Ano bešipe sine lafi ini kotar odova kaj norme musaj te pharuvinenpe thaj te harmonizuinenpe adžahar kaj propozalja Lumiaka bankake pherenape, a adamo tiknarelape, poulavdipe kana sito lafi kotar starti bukjako thaj procedure registracia ekonomikane amalipe.

 

Mihajlovićka phendja kaj planirime napja kotor neve Akciono planeske vaš anglunisaripe Srbiako ano Doing business lista , thaj kaj odova plani siole šuže definišime obligacie thaj bukja kotar sa kompetentno institucie.

 

Ministribe ekonomiako sikhavdja gatisaripe te lol sa musajutne adamja zorakharde Programea vaš anglunisaripe pašloipe Srbiako ani lista Lumiaka bankako.

 

Ano bešipe lele kotor ini direktori Agenciako vaš ekonomikane registrja Milan Lučić, kerdutni direktorka NALED-esko Violeta Jovanović, thaj dženutne Ministribaske  ekonomiake, Minstribe vaš lačardipe, dromutnipe thaj infrastruktura thaj NALED-eske.