RSS

You are here

Mihajlovićka thaj Bilgič: Auto-drom Beograd-Sarajevo semno vaš sa regioni

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, vakhardja avdive e ambasadorea Turkiako ano Beogradi Tanžu Bilgičea kotar kupatno infrastruktrno projektja duj phuvjengo thaj kotar avipe presidento Turkiako Redžep Taip Erdogan ani Srbia.

 

"Srbia thaj Turkia semno anglunisarde poro maškharipe ani umal infrastruktura, kotar so vakharela ini odova kaj kotar leipe beršesko dži ko nilaj gatisardjam sa vaš lačardipe angluni etapa auto-dromesko Beogard-Sarajevo, Kuzmin-Sremska Rača. Projekti lačardipe auto-dromesko Beogard-Sarajevo,savo Srbia thaj Bosna thaj Hercegovina realizuinena kupate e Turkia, but sito semno na numa vaš phuvja save ano oleste lena kotor, uč ini vaš sa regioni", phendja i Mihajlovićka.

 

Mihajlovićka thaj Bilgič dende nota kaj infrastrukturake projektja vaš save hramisardile kontraktja e turkiaka kompania "Taš japi" šukhar anglunisarinena, ano odova ini momentalno majbaro maškhar olende, lačardipe angluni trasa auto-dromesko Beograd-Sarajevo,kotar Kuzmin dži Sremeski Rača, pedo savi adžukharelape kupate te aven te dikhlaren bukja presidentja Srbiako thaj Turkiako.

 

Ambasadori Bilgič phendja kaj vizita presidento Erdoganesko šansa, uzo sa aver, pana pobut te anglunisarelpe maškharipe ani umal infrastrukturaki thaj te vakharolpe ini kotar aktuelno thaj kotar potencialno neve projektja.