RSS

You are here

Mihajlovićka thaj Falkoni kotar lačardipe metro thaj njamesko jekh jekhipe ani Srbia

Maškharipe ani umal infrastrukturake projektja ano sastrnalutno thaj aero dromutnipe, lačardipe beogradesko metro thaj deponia ani Vinča, ama ini khupatne aktivipe ani umal njamesko jekh jekhipe sine teme avdisutne bešipasko telopresidentkako  Thagarutna Srbiako thaj ministarkako vaš lačardipe, dromutnipe thaj infrastruktura, prof. dr  Zorana Mihajlović e ambasadorea Franciako ani Srbia Žan Luj Falkonea.

 

Mihajlovićka phendja kaj Francia sitoj jekh kotar majsemne partnerja Srbijake thaj kaj nane putarde pučipe kana dikhelape realizacia khupatne projektjengo.

 

“Lačhe amenge so kerdjam Halovipe kotar donacia maškhar duj raštre kana ano pučhipe lačardipe  beogradesko metro, so amenge reselape podur buti ano planiripe thaj realizacia majbare projektja ani Srbia. Čaljarde sijam maškharipa e franciake kompanienca ano sa khupatne projektja, poulavdipe kana vakhara kotar sastrnalutno dromutnipe thaj koncesia vaš Aerodromi “Nikola Tesla””, phendja voj.

 

Ambasadori Falkoni phendja kaj si interesuipe franciake kompaniengo ini vaš neve projektja ani Srbia, thaj akhardja telopresidentka Mihajlović te lol kotor  ano globalno samiti vaš anglunipe njamesko jekh jekhipe savo ka adikharolpe ano juli ano Parizi.

 

“Kana sito ano pučhipe njamesko jekh jekhipe, odote šaj but te sikljova kotar tumen, soske but kerena buti ani akaja tema thaj  si rezultatja Srbiake ani umal anglunisaripe pašloipe džuvljengo. Sigurno sim kaj Tumaro leipe kotor ano samiti ka ovol labha vaš sa akterja “, phendja vov.