RSS

You are here

Mihajlovićka thaj Godfri: Infrastruktura majšukhar čhandipe vaš phandipe regionesko

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, vakhardja e ambasadorea KAR ani Srbia Entoni Godfrijea kotar aktuelno infrastrukturake projektja.

 

Mihajlovićka pendžardja ambasadore Godfri e dinamika realizacia projektesko lačardipe Moravako koridori, pedo savo kerela buti amerikaki kompania “Behtel”.

 

“Interesi Srbiako sito kaj jekh kotar majlabdarde lumiake lačardipaske kompanie realizuinela akava semno projekti. Srbia lela ini  lačardipe “auto-drom tehnipasko” kotar Niš dži Merdare, so ka resol regionalno stabilipe thaj phandipe”, phendja i Mihajlovićka.

 

Telopresidentka phendja kaj kotar but baro semnipe kaj ano rami arakhipe kompromisno agorisipe vaš Kosovo si jekhavazipe Beogradesko thaj Prištinako kotar funkcionišipe sastrnalutno thaj avio dromutnipe.

 

Ambasadori Godfri phendja kaj kompania “Behtel” sitoj dendi ani realizacia  lačardipe Moravako koridori thaj bahtakerdja pratsav Beogradeski thaj Prištinaki te lačaren transportno konekcie.

 

“Bahtale sijam so šeja džana ano pozitivno drom thaj kaj lundjara te da dumo akale proceseske. Srbia siola liderjengi pozicia ano regioni thaj semni vaš adikharipe stabilipe”, phendja Godfri thaj naisardja e telopresidentkake Mihajlović pedo suporti savi dela pi buti Kongreseske srbikano-amerikano amalipe.