RSS

You are here

Mihajlovićka thaj Gonzales Karvahal: Srbia thaj Lumiaki banka siton partnerja ano barjaripe transportesko sektori

Telopresidentka Thagarutna Republika Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, vakhardja avdive e manadžerka Lumiaka bankako vaš transporti vaš Evropa, Karla Gonzales Karvahala, kotar reformišipe dromutno thaj sastrnalutno sektoresko ani Srbia, barjaripe pajnesko dromutnipe, sar ini maškharipe ani umal njamesko jekh jekhipe.

 

“Lumijaki banka sitoj partneri Thagarutna Srbiaki thaj Ministribaski thaj šukhar mange so amaro maškharipe barjakara ini ani umal njamesko jekh jekhipe, kote khupate kerdjam angluni studia kotar njamesko jekh jekhipe ano dromutnipe, savake rezultatja ka čhiva ini ani transporteski politika thaj nevi transporteski strategia savi ka kera”, phendja i Mihajlovićka.

 

Voj phendja kaj ano periodi so avela ano transportesko sektori ulavdo ka čhivolpe akcenti pedo moderniziripe sastrnalutnako, phenipa kaj molipe projektjengo ano odova sektori sito paše šov milijarde evrja.

 

I Gonzales Karvahal phendja kaj Lumiaki banka but aktivno ano regioni rjačutno Balkanesko, kote rodela te anol majlačho džandipe thaj praksa thaj čačipaske propozalja sar te kerolpe pobari konkurencia thaj ekonomikano barjaripe.

 

“Lumiaki banka pendžarela Srbia sar jekh kotar lideri ano projekti savo sitoj vaš lokharipe kinipe-biknipe thaj transporti ano regoni, savesko aktivipe sito semno iniciativa ini averenge te nakhen ano odova drom”, phendja voj.

 

Gonzales Karvahal phendja kaj Lumiaki banka interesuimi te dol dumo ini ano barjaripe plajnengo ano sektori urbano mobilipe.