RSS

You are here

Мihajlovićka thaj Palkovič: Te čhivelpe Šudrorigaki Makedonia thaj Grecia ano projekti sigutne pruge

I Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura  prof. dr Zorana Mihajlović, vakhardja avdive e delegacia Ungariaki, savo legarela sine ministri vaš inovacie thaj tehnologiako barjaripe, Laslo Palkovič, kotar projekti lačardipe sigutne pruge maškhar Beogradi thaj Budimpešta.

 

Ano bešipe savo adikhardilo ano rami Oftoto bešipe Trilateralno bukjaki grupa Srbia, Ungaria thaj ThR Kina vaš projekti rekonstrukcia thaj modernizacia prugaki Beograd-Budimpešta, savo adikharelape ano Beogradi, Mihajlovićka phendja kaj akaja pruga kotor semno regionalno koridoresko save phanela centralno thaj mesemer Evropa thaj vaš odova manglape ano projekti te čhivelpe ini aver phuvja ano akava koridori-Šudrorigaki Makedonia thaj Grecia.

 

"Srbia šukhar anglunisarela ani realizacia projektesko thaj bukja siton ano duj deonice kotar Beogradi dži Novi Sad, a hramindjam ini komercialno kontraktja vaš deonica Novi Sad-Subotica, vaš savi gatisarinahape te startuina bukja", phendja i Mihalovićka.

 

O Palkovič pendžardja  i Mihalovićka e momentalno dinamika realizacia projektesko rekonstrukcia thaj modernizacia prugaki pi teritoria Ungariaki thaj phendja kaj relacia Srbia thaj Ungaria ovela so po zorali ano aver aver umalja.

Ano bešipe dikhlardile ini šaipe vaš agorisipe problemi phando e lunge adikharipa ano samatrendenge nakhavipe, prekal čučaripe samatrendenge procedure thaj bufljaripe samtrendenge nakhavipe.

 

Duj delegacie vakharde ini kotar maškharipe ini ano aver infrastrukturno projektja, ano drumesko thaj pajnesko dromutnipe, maškhar savo sito lačardipe Ipsilon phak, trujalutni trujal Subotica thaj lačardipe beroske nakhavutne vudara ani Tisa.