RSS

You are here

Mihajlovićka thaj Pinter kotar rekonstrukcia prugaki Subotica-Segedin thaj bufljaripe samatrendjengo nakhavipe Horgoš

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, vakhardja avdive e ambasadorea Hungariako ani Srbia Atil Pinterea kotar maškharipe duje phuvjengo ano sektori infrastruktura thaj dromutnipa.

 

“Srbia thaj Hungaria kupate kerena majbaro projekti ani sastrnalutni ano akava kotor Evropako, lačardipa sigutni pruga Beograd-Budimpešta, ama si ini bare šaipe vaš bufljaripe maškharipasko neve projektjenca, sar ani sastrnalutni, adžahar ini ano pajnesko dromutnipe thaj ano aver sektorja”, phendja i Mihajlovićka. 

 

Uzo momentalno statusi projektesko moderniripe thaj rekonstrukcia prugaki Beograd-Budimpešta ani teritoria solduj raštrengo, ano bešipe vakhardilo ini kotar planirimo projekti rekonstrukcia sastrnalutni pruga Subotica-Segedin, rekonstrukcia beroski nakhavutni ani Tisa, sar ini kotar planirimo bufljaripe samatredjengo nakhavipe Horgoš.

 

Rekonstrukcia sastrnalutni pruga Subotica-Segedin, lungipa paše 27 km, sito jekh kotar prioritetno projektja anglodikhlarde Rameske haljovipa kotar ekonomikano thaj tehnikano maškharipe maškhar Thagarutni Hungariaki thaj Thagarutni Republika Srbiaki ano sektori infrastrukturalno projektja.