RSS

You are here

Mihajlovićka thaj Turhan: Auto-drom Beograd-Sarajevo semno vaš phandipe regionesko

Telopresidentka Thagarutna Republika Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, vakhardja avdive e ministrea vaš dromutnipe thaj infrastruktura Republika Turkiako, Mehmet Turhanea, kotar lačardipe auto-drom Beograd-Sarajevo thaj maškharipe duje phuvjengo ani umal infrastruktura thaj dromutnipe. 

 

Mihajlovićka ano bilateralno bešipe savo adikhardilo ano rami vizita turkiake presidentosko Redžep Taip Erdoganesko ani Srbia, naisardja turkiake ministreske pedo devipedumo akala phuvjako ani realizacia projektesko lačardipe angrustik auto-drom Beograd-Sarajevo.

 

"Vaš amenge akava sito jekh kotar majsemne infrastrukturake projektja, savo sito semno vaš phandipe Srbia thaj Bosna thaj Hercegovina, ama ini vaš phandipe andral regionesko. Adžukhara kaj angluni etapa, Sremeski Rača-Kuzmin, ano savo tahara la te kera buti, ovela kerdi vaš paše duje te kvaš berš", phendja i Mihajlovićka.

 

O Turhan lepardja kaj po agor 2018. hramisardilo komercialno kontrakti e turkiaka kompania "Taš japi" vaš projekti Beograd-Sarajevo thaj naisardja telopresidentkake Mihajlović pedo devipedumo akale projekteske. "Adžukhara kaj lačardipe akale auto-dromesko Beograd-Sarajevo ka resol pošukhar transportesko phandipe andral regioni thaj interesuime sijam vaš lungaripe devipedumo Srbiake kana sito lafi kotar infrastruktura", phendja o Turhan.

 

Ano bešipe vakhardilo ini kotar maškharipe duje phuvjengo ano dromesko transporti, kote dendilo svato vaš hramisaripe nevo halovipe savo lačarela akaja umal, sar ini kotar maškharipe ano aero dromutnipe, poulavdipe kana sito lafi kotar transporti robako.

 

Mihajlovićka e turkiake kolegaske sar  todinipe dendja azbuka ano galbenosivipe, buti džuvljeno kotar gava, sar kotor praksako telopresidentkako kaj oficielno manušenge kasa malavdinelape dela vastalutne bukja sar rezultati iniciativako "Te čhiva ani buti jekh milja džuvlja kotar ruralno thanutnipe", savi Koordinaciako trupo vaš njamesko jekh jekhipe realizuinela ano maškharipe e Etno-mreža thaj NALED-ea.