RSS

You are here

Mihajlovićka thaj Vučević ano lačardimasko than vaš apartmajna vaš servisi arakhipasko: Rodindjum ini doktorja kaj šaj te kinen adžahar apartmajna

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, dikhlardja avdive e dizakopočekatunea Novi Sadesko Miloš Vučevićea bukja ano lačardipe apartmajnengo vaš dženutne ano servisi arakhipasko ani akaja diz.

 

Mihajlovićka phendja kaj akava projekti kotar baro semnipe vaš raštra thaj kaj ministribe pedo savo čekat sitoj bičaldja ruidžipasko lil Komisiake Thagarutna Srbiaki kaj  projekti te bufljarolpe ini pedo sastipaske thaj edukaciake bučarne.

 

“Manga te da ini sastipaske thaj edukaciake  bučarnenge te kinen akala apartmajna. Odova sito pana jekh čhandipe te kera nais majangle sastipaske bučarnenge vaš sa so kerde thaj kerena vaš vakhti epidemiako korona virus. Akava projekti but semno vaš amaro ekonomikano barjaripe, lačardipe na ačhilo ano vakhti krizako thaj ka resol posig ekonomikano barjaripe thaj baripe BDP-esko”, phendja voj.

 

Mihajlovićka khupate e dizakepočekatunea Vučevićea poangle avdive dikhlardja ini agorisutne bukja ano lačardipe pedodromutno prekal  auto-drom Beograd-Novi Sad, thaj phendja kaj odova pedodrom, molipa 500 milijojna dinarja, phanela dizutnen kotar Kać e industriaka zona thaj bešipaske thanea Šangaj.

 

“Investirindjam duj milijarde dinarja ani dromeski infrastruktura ano Novi Sad. Sijamen but šukhar maškharipe e dizja thaj lungara kupate te kera vaš šukharipe dizutnengo”, phendja voj.

 

Miloš Vučević phendja kaj Novi Sad lela jekh kotar majlačhe bešipaske thana ano save dženutne serviseske vaš arakhipe ka ovelolen but šukhar šartja vaš dživdipe.

 

“Ano Novi Sad nikana pobuder na investirisalo. Bahtalo sim ini so Thagarutni Srbiaki idž phendja kaj ka lačarolpe nevi purt ano Novi Sad thaj trujalutno drom sar projekti kotar nacionalno semnipe. Odova sito but moldikano vaš amari diz”, phendja vov.

 Nebojša Šurlan, direktori Urbanistikani direkcia Srbiaki, phendja kaj ani angluni faza agorisinelape 547 apartmajna ano Novi Sad thaj kaj ano akava berš ka denpe ano hramisaripe pana štar tenderja.

 

“Ano nakhlo berš lelam lačardipe 1.530 apartmajna, ano akava berš kerdile 16 tenderja vaš 4.300 apartmajna thaj ačhola pana Niš e 2.200 apartmajna, savengo lačardipe ka lelpe ano berš so avela”, phendja vov.