RSS

You are here

Mihajlovićka: "Tikno šengen" Albaniako, Š. Makedoniako thaj Srbiako vaš pošukhar dživdipe sa amare dizutnengo

"Iniciativa presidento Republikako Aleksandar Vučićeski kotar keripe sarphenelape tikno šengeni Albania, Šudririgutni Makedonia thaj Srbia semninela pošukhar dživdipe vaš sa amare dizutnenge. Nane moderno barjaripe te sine pedo amare relacie dikha akhjenca nakhle vakhtesko",  phendja vaš detharinsko divutno RTS-esko telopresidentka Thagarutna Srbiako thaj ministarka vaš lačardipe, dromutnipe thaj infrastruktura, prof. dr Zorana Mihajlović.

 

Voj phendja kaj sa raštre ano regioni but tikne vaš te keren diso pedo ekonomikane indikatorja ani Evropa thaj lumia, thaj vaš odova ekonomikano thaj biznisesko khedipe semno sar amare  dizutne te dživdinen pošukhar.

 

"Na vakhara akate kotar nevi Jugoslavia, ano pučipe sito šužo ekonomikano interesi vaš sa raštre- te cida carinake thaj kinipaske-bikinipaske barijere. Odova sito gndipe politikako, te kere o dizutne pošukhar te dživdinen, te ovelamen so pobut investicie thaj te lačara dživdipasko standardi sa amare dizutnengo. Sijamen but šukhar geostrategiaki pozicia ini vaš Srbia semno te ovelola iklovipe ki Grecia thaj albajnenge portja", phendja voj.

 

Telopresidentka Thagarutnaki phendja kaj Srbia, Šudrorigaki Makedonia thaj Albania khupate siolen bruto kherutni produkcia kotar 80 milijarde dolarja, so sito but hari.

 

"Te sine ka čhiva ini Crna Gora thaj BthajH, odova sito 100 milijarde dolarja. Džanena so odova semningola, kaj saren khupate produkuina 40 drom pohari kotar Germania, a 30 drom pohari kotar  Francia. Nane "Folksvagen" alosardoj Turkia ano amaro than soske akate na kerelape buti, uč soske so Turkia siola pondž drom pobaro BDP kotar sa amaro regioni. Srbia siola sa  anglodizpozicie vaš ekonomikano barjaripe thaj regionalno phandipe vaš amenge sito kotar ekonomikano semnipe", phendja voj.

 

Mihajlovićka phendja kaj odova majšukhar dikholape  ani infrastruktura, gendipa sar misal ini bešutnipe Transportno khupatnako ano Beogradi.

 

"Sijamen devipedumo Evropaka uniata. Na manglape te phanahape, konekcia ka ova po zorale thaj polokhe ka vakharahape ini e EU ini e investitorjenca. Kana vakhara kotar resori savo legarava, nane nijekh sebepi kaj po misal nanemen khupatno tag thaj khupatno pokhipe dromesko thaj kotar odova ka vakhara amare komšijenca", phendja telopresidentka Mihajlović.

 

Voj lepardja ini kaj  evaluacia Lumiako bankako thaj MMF-esko sikhavela pedo odova kaj regionalno phandipe anela dži ekonomikano barjaripe save ake ano berš savo avela šaj te ovol majhari kotar trin dži štar šelestar pobuder.