RSS

You are here

Mihajlovićka: „Tikno Šengeni" vaš avutnipe thaj ačhavipe manušengo ano regioni

"Tikno Šengeni" sitoj iniciativa savi vaš reso siola ekonomikano phandipe ano regioni. Purano vakhti našti te inara, ama manglape te gndina pedo avutnipe, a odova sito pušukhar džividipe amare dizutnengo", phendja avdive telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović.

 

Pučljimi te dol komentari kotar aver aver vakheripe kotar "Tikno Šengeni", Mihajlovićka phendja kaj ini uzo aver aver gndipa thaj kritike, akaja iniciativa vazdindja but interesuipe, soske nijekh phuv ano regioni nanola pobaro interesi odolesta te resol o dizutne te ačhon ano pere raštre thaj te dživdinen pošukhar thaj pokvalitetno.

 

"Semno  sito te resa posig phiripe robako thaj manušengo thaj samatrendjenge nakhavipe te kera posig thaj poefikasno. Nane basando te investirina ano auto-dromja, sastrnalutne thaj pajneske koridorja te sine kaj nakhavipe nane pošukhar organizuime.

Ministribe savo legarava ka kerol kolegenca kotar aver phuvja te lačarolpe regionalno tagi vaš sigutno nakhavipe tradjengo ano auto-dromja ano regioni, a ka da reslipe vaš nakhavipe ano samatredjengo nakhipe te ovol posig", phendja i Mihajlovićka.