RSS

You are here

Mihajlovićka: Vakhara kotar lačardipe paluna etapako trujalutnodrom trujal Beogradi

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, adikhardja avdive bešipe e generalno direktorea kinaka kompaniako “Power China” Jang Boom thaj direktorea azerbejdžanako kompaniako “Azvirt” Ahmet Murat Turkoglu pi tema lungaripe lačardipasko trujalutnodrom trujal Beogradi kotar Bubanj potok dži Pančevo (sektor C).

 

Mihajlovićka phendja kaj plani sito, kaj palo agorisipe bukjengo pedo lačardipe sektori B, te lelpe lačardipe ini paluna etapako, sova ka resolpe kompletno agorisipe dromesko-sastrnalutno trujalutnodrom trujal Beogradi.

 

“Akava sito but moldikano projekti vaš raštra pedo savesko agorisipe adžukhardjam dešutne berše. Agorisipe trujalutnodromesko talohalovela dislokacia pharipasko dromutnipe kotar centri dizjako, anglunisaripe arakhipe dromutnipasko, sar ini podur ekonomikano barjaripe sebepi barjaripe neve industriake zone ani maškharipe trujalutnodromesko. Adžukharava kaj ano majpašutno roki te phanenpe vakheripe phande e tehnikake agorisipa thaj molipe projektesko thaj te lelpe hramosaripe komericialno kontraktesko”, phendja voj.

 

Direktorja “Power China” thaj “Azvirt” phende kaj siton gata te lungaren maškharipe pedo lačardipe sektori C trujalutnedromesko, sar ini vakheripe kotar molipe pašakharenape po agor.

 

Ano bešipe lele kotor ini direktorja “Putevi Srbije” thaj “Infrastruktura železnice Srbije”, direktorka Direkciako vaš publikako bordži, dženutne kotar JP “Koridori Srbije”, sar ini ekonomikano turvinutno ani Ambasada ThR Kinako ani Srbia.