RSS

You are here

Mihajlovićka:Me sim vaš odova kaj nakuč apartmajna šaj te kinen ini doktorja, profesorja, bučarne ano sastrnalutne

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, lela kotor avdive ano čhivipe bar fundosko vaš lačardipe apartmajna vaš dženutne servisi arakhipasko ano Beogradi.

 

Mihajlovićka kotar odova phendja kaj kerelape anglune 250 kotar sa jekh milja planirime apartmajna ano Beogradi, thaj lepardja kaj ani buflardi Srbia lelape lačardipe paše duj milje apartmajna.

 

“Barikani sim so  vaš efta dive ani Vranja ka da anglune natarja, ama ini so agorisina apartmajna ani Kraljeva, Kragujevci, Sremeski Mitrovica thaj Novi Sad. Amaro reso sito kaj saren tumen so kerena bajo vaš Srbia te ačhoven te dživdinen tumare familienca ani tumari phuv”, phendja voj.

 

Telopresidentka Thagarutnaki phendja kaj akava projekti semninela anglunipe Srbiako thaj lačardipasko, ama ini sikhavela pedo stabilno publikake finansie thaj timeski buti thaj jekhipe presidento Aleksandar Vučićesko thaj Thagarutnako.

 

“Leipa ano dikhipe semnipe akale projektesko, sim vaš odova te bufljarolpe ini pedo aver profesie thaj adžahar apartmajna šaj te kinen ini doktorja, medicinake phejna, profesorja thaj bučarne ano sastrnalutne firme”, phendja i Mihajlovićka.

 

 Ano čhivipe bar fundosko, uzi presidentka Thagarutnaki Ana Brnabić, lele kotor ini telopresidento Thagarutnako thaj ministri andrune bukjengo Nebojša Stefanović, ministrja Aleksandar Vulin thaj Zoran Djordjević, dizakopočekatune Beogradesko Zoran Radojičić thaj direktori Arakhipasko-informativno agenciako Bratisalav Gašić.