RSS

You are here

O Kifi e Mihajlovićake: Nais Tumenge vaš pondž berš labdarde maškharipaske

I Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, lela avdive ani paluni vizita e ambasadore Bara Britaniake ani Srbia, Denis Kife, thaj vaš odova oleske naisildja pedo devipe dumo thaj ažutipe ano realizuipe reforme thaj realizacia semne projketja vaš amari phuv.

 

 "Devipedumo save amenge denden  sa akala berša sito kotar baro semnipe vaš amaro barjaripe, po ulavdipe kana vakhara kotar reforme save kerdjam ani umal elektornikane lačardimaske mukhlipaske lila, katastri thaj lačaripe šartjengo vaš biznisi ani Srbia, no ini neve infrastrukturno projektja save inicirina, maj angle lačardipe Moravako koridori", phendja i Mihajlovićka.

 

Ambasadori Kif phendja kaj sito čaljardo vaš maškharipe e telopresidentka Mihajlović, phenipa kaj vaš akala pondž berš bilateralno relacie maškharo duj phuvja anglunisardile thaj kaj si so pobut thanutnipe vaš maškharipe. 

 

"Čaljardipe sito te kerelpe buti Tumenca. Inicirindjam but semne šeja. Ka lungara te da dumo e Srbiake ini ano umal njamesko jekh jekhipe, vizita lord Ahmadeski sine but labdardi thaj adžukara Tumen ano Londoni, sebepi tema seksualno pedozoralipe ano konfliktja. Adžahar, situmen amaro devipe dumo kana ano pučipe sito phandipe Rjačutno Balkanesko", phendja o Kif.

 

Аmabasadori Bara Britaniako po ulavdipe bahtakerdja Thagarutnake pedo agorisipe Koridori 10 thaj phendja pana kaj kotar Srbia nakhela e hačaripa kaj but bukja kerdile šukhar vaš pondž berš.

 

Ano bešipe sine ini svato kotar agorisipe  pučipe Kosovo thaj Metohia, thaj kaj musaj te cidenpe takse savi Priština čhivgja thaj te lungarelpe dijalogi.

 

I Telopresidentka Thagarutnaki dendja e ambasador Kifeske tradicionalno srbikane produktja save kerde amare džuvlja kotar gava, ano rami iniciativako "Te čhiva pi buti 1.000 džuvljen kotar ruralno thanutnipe", savo kupate realizuinene Koordinaciako trupo vaš njamesko jekh jekhipe, NALED thaj Etno-mreža.