RSS

You are here

O Lakičević thaj Ivanišević vizituinde dizutnen ano romane bešipaske thana ano Leskovci

 

Raštrako sekretari ano Ministribe vaš lačaripe, dromutnipe thaj infrastruktura, Zoran Lakičević thaj turvinutno telopresidentkako Thagarutnako, Nenad Ivanišević, sine avdive ano trin romane bešipaske thana ano Leskovci, savenge dizutne ano nakhle dive sine talo atako huligajnengo.

 

“Srbia sitoj raštra sa olake dizutnengo,ano savi sakova nacionalno minoriteti, ano odova ini Roma, trubul te ovelolen šaipe  te anglunisarinen thaj te barjarenpe, thaj olake džene te hačarenpe sigurno thaj arakhutno. Nisavo bikamipe thaj pedozoralipe  prekal Roma ani Srbia nane mukhle, thaj adžukhara kaj džene so kerde atako pedo Roma ano Leskovci ano majharno roki te arakhenpe thaj te sankcionišinenpe", phendja o Ivanišević, savo kupate e Lakičevićea nakhla ko dizutne ano bešipaske thana Podvrce, Sat-mahala thaj "Slavko Zlatanović" ano Leskovci thaj vakhardja e familijenca odole Romengo so kerdilo atako pedo olende.

 

O Ivanišević phendja kaj Thagarutni Srbiaki thaj Koordinaciako trupo vaš dikhlaripe realizacia Strategiako vaš socialno inkluzia Romengo thaj Romanicengo, po čekat e telopresidentka Thagarutnako, prof. dr Zorana Mihajlović, kerena but  buti vaš sa dizutne te resen po šukhar čhinavdipe vaš dživdipe thaj vortojuridikano leipe kotor Romengo ano amalipe.  

 

"Alam akate te da dumo dizutnenge  ano akala bešipaske thana, thaj na numa akale thanenge.Sakodive sijam po tereni te vakhara kotar sa problemja thaj akhara olen  aktivno te len kotor ano sa programja ažutipaske save dela Thagarutni Srbiaki. Akaja Thagarutni kerela čhinavdipe kaj sa čhavore džana ani škola, ini odova sitoj amari buti", phendja o Ivanišević. 

 

O Lakičević phendja kaj Ministribe kerela but kotar kherutnipasko bajo vaš  dženutne romane nacionalno minoriteti thaj prekal budžeti thaj IPA vastušeja šaj te ažutinol ini akale  bešipaske thanenge. "Mahala savi avdive vizituindjam ka ovol ano jekh kotar projektja save ka finansirinenpe kotar programja save realizuina. Dži akana ažutisale 13 romane bešipaske thana ano 13 komune, kerdilo bajo vaš 600 dženutne romane nacionalnipaske thaj lačardile 160 khera e infrastruktura savi olenge perela", phendja o Lakičević.