RSS

You are here

Senatorja SRS palo bare čhungaripe ini fizikane daldinde pedi telopresidentka Thagarutnaki Zorana Mihajlović ani Themutni khedutni

Telopresidentka Thagarutni Srbiaki thaj ministarka vaš lačardipe, dromutnipe thaj infrastruktura prof. dr Zorana Mihajlović, phendja avdive, sebepi atako senatorjengo Srbikano radikalno strankako (SRS) pedo olate ano parlamenti, kaj sa bufljardi Srbia šaj sine te dikhol pedozoralipe senatorjengo akala partiako pedo olate.

 

Kotar bešipe Themutna khedutnipasko, pedo savi tema sine amandmajna pedo bahamutne kanunja, Telopresidentka Thagarutnaki kotar sa polemika sine talo majbilačhe čhungaripe kotar senatorja radikalja. Trin senatorja SRS-Vjerica Radeta, Filip Stojanović thaj Ružica Nikolić-ani sala ini fizikane daldinde pedi Mihajlovićka.

 

“Ašundjum trin satja senatorjen SRS sar vakharena hohavipe kotar mande, a uzo odova generalno na vakharde khanči kotar kanunja save sine ano divutno rndo. Kana me lelum lafi thaj phendjum kaj odova so phende sito hohavipe, soske odova manglape te phenav sebepi dizutne Srbiake, simaj iklili pedo klasikano pedozoralipe, ini odova ano maškhar parlamenti. Na džanav so pana manglape te kerolpe thaj daj dženo te phenol kaj akava so avdive ulo sito klasikano pedozoralipe. Ama me sa moro dživdipe marape opipe pedozoralipe, thaj adžahar ka marape ini opipe odova so kerena senatorja SRS”, phendja i Mihajlovićka žurnalistjenge ano parlamenti.

 

Mihajlovićka ani diskusia, amboldipa pedo rndo čhungaripe senatorjengo SRS, phendja kaj sa so phende kotar olako privatno dživdipe, sar ini kotar olaki karijera, baro hohavipe thaj po agor pere vakheripasko vazdindja transparenti “RADIKALJENGE HOHAVIPE” palo popale atako senatorjengo SRS.

 

“Hohavde kana phende kaj čhorgjum 300 milijojna evrja kotar Moravako koridori, soske nikana na sine nisav dendipe, kontrakti jase halovipe e kinaka kompania kaj šaj te keren odova auto-drom vaš 500 milijojna evrja, ama si amboldipe kaj našti odova te lačaren vaš odola love. Hohavgen kaj sijum špijuni, amerikako thaj britaniako, a dizutne tumen beršenca šunena sar odova vakharena. Vaš odova si institucie, thaj dikheni odova te keren ini dovada! Hohavden ini kaj sima diso e davia save čhivelape pedo pharipe direktoresko “Infrastrukture železnice Srbije”, ini kaj pendžardo  kaj ini olesko advokati šuže pendja kaj me nanema nisavo kontakti odolea. Mande na rodela nisavo krisi, sar ni  džene mara familiake, a  tumen rodena”, phendja i Mihajlovićka.  

Voj pana phendja kaj sa hohavipe senatorjenge SRS našti te kosen nijekh kilometari dromejengo savo lačardilo, a ano olako resori lačardilo pobuder kotar 350 km auto-dromja, sar ini nijekh kilometari rekonstruišime pruge, a nevisardile pobuder kotar 500 km ano nakhle štar berša”.

 

“Vaš manuša save save dende poro avazi tumenge sima obligacia te phenav so sito sa hohavipe ano odova so vakherden ini so vakharena divenca, masekenca thaj beršenca. Ama, sar vakharena, adžahar ini nakhena ano alosaripe”, phendja i Mihajhlovićka.