RSS

You are here

Turkiaki kompania "Kaljon" interesuimi vaš lačardipe šumadiako koridori "Vožd Karadjordje"

Dženutne ano Ministribe vaš lačardipe,dromutnipe thaj infrastruktura vakharde avdive e delegacia turkiaka firma "Kaljon" kotar šaipe vaš maškharipe pedo infrastrukturake projektja ani Srbia, poulavdipe ano lačardipe sigutne dromutnipe, ano odova ini šumadiako koridori "Vožd Karadjordje".

 

Raštrako sekretari ano Ministribe vaš lačardipe, dromutnipe thaj infrastruktura, Miodrag Poledica, pendjardja e dženutnen "Kaljoneske" e empirienca srbikako-turkiako maškharipe ano infrastrukturake projektja, sar ini kotar plajna Srbiake vaš lungaripe investiciako ani infrastruktura ano rami nevo investiciako ciklusi.

 

Dženutne kompaniako "Kaljon" sikhavde interesuipe vaš pošukhar te pendjarenpe e projektjenca save Srbia planirinela, poulavdipe ani umal dromesko, sastrnalutno thaj aero dromutnipen, sar ini kherengo lačardipe.

 

Kompania "Kaljon" formirisali 1974. thaj realizuindja disave kotar majbare projektja ani Turkia ano umal aero, dromesko thaj sastrnalutno dromutnipen, ano odova ini lačardipe nevo aerodromi ano Istanbuli thaj momentalno vastalutnela projektjenca save siolen sa molipe trujal 30 milijarde evrja.