RSS

You are here

Kupatni grupa vaš anglunisaripe pozicia Republika Srbiaki ani rang-lista Lumiaki banka kotar čhinavdipe biznisesko- Doing Business

Kupatni grupa vaš anglunisaripe pozicia Republika Srbiaki ani rang-lista Lumiaki banka kotar čhinavdipe bizinisesko, Doing Business, formirimi 20. decembrea 2014. berš, e bukja te definišinol konkretikane napja vaš anglunisaripe biznis maškharipe ani Srbia. Kupatna grupa presiduinela telipresidentka Thagarutnaki thaj ministarka lačaripaski, dromutnipaski thaj infrastrukturaki ani Thagaruni Republika Srbia, prof.dr  Zorana Mihajlović.


   Prekal raporti  vaš 2018, Srbia astarela 43.than pedo lokhipe biznisesko kotar 190 ekonomie save dikhlarela lista Doing Business, so sikhavela anglunisaripe vaš 48 pozicie vaš trin berš ano jekh ini majlačo rezultati kotar 2007, kana Srbia angluno drom rangirisali. Kotar formiripe Kupatni grupa, Srbia notirinela kontinuirimo lačaripe rejtingesko, a majšukhar rezultati reslilo ani umal devipe lačarimaske mukhlipaske lila, kote Srbia ano Doing Business lista vaš 2017/2018 berš 10. ani lumia, anglunisaripa vaš 176 pozicie ano akava periodi.

 

Lista Doing Business koncipirimi adžahar kaja na lela ano dikhipe sa čhinavdipe bizniseske, već fokusirimi pedo 10 klidutne umalja so siton sebepi raštraki politika thaj čhavndipe pedo savo odola politike legarenape: leipe biznisesko, leipe lačarimasko mukhlipasko lil, leipe phandipe pedo  distributivno sistemi elektrikaki energia, registruipe manginesko, leipe krediti, uluvipe tiknore akcionarjengo, pokipe porezesko, prekal samatrendjengo bikinipe kinipe, realizacia kontraktesko thaj agorisipe peravdipe firmako.



Anglunisaripe pedo Doing Business lista semninela kaj kanunja save lačarena biznis ambijenti uleton po kvalitetno thaj po efikasno legarenape, so kerela šukaripe kherutna ekonomiake thaj avrijalutne investicienge.