RSS

You are here

Projktja

Kamle drabarutneja,

 

Srbia kotar antikako dži moderno vakhti sine purt maškhar Rjačutnipe thaj Javinutnipe, majharno thaj majšukhar kontinentalno drom maškhar Evropa thaj Azija.


Thagarutni Srbiaki dela semnipe vaš te reselpe efikasipe ano phandipe pedo nacionalno niveli thaj pere obligacie prekal maškharthemutni kupatni kaj akava naturalno purt ačola thaj pana pobut barjola vaš mištipe generaciengo so avena.


Sar kotor Thagarutnako ekonomikano thaj reformikano programi savo sito pherdo harmonizuimo e agenda EU vaš transportno phandipe thaj drom Srbiako vaš te resol pherdo juridikano džendipe ani EU, kotar nakhle trin berš lelile, sigardile jase sukseseja kerdile infrastrukturno projektja ano sa molipe kotar paše šov milijarde evrja.

Halovisale bare projektja thaj gatisardile neve, ano odova ini neve transportno koridorja, ano sa molipe kotar šov milijarde evrja, save ka oven implementirime ano tri dži pondž berš save avena. Akale projektjenca, akala brošura inara pačiv amare bilateralno thaj multilateralno partnerjengo, privatno investitorjengo thaj biznis kupatnako save akhara pedo soldujrigengo mištipasko maškharipe.

 
Fundoni ideja, phandipe sa aver aver projektja, sito keripe moderni, suksesni, organizuimi thaj efikasni Srbia. But buti čhivdilo ani rekonstrukcia juridikako thaj socialno rami thaj modernizipe thaj sigaripe procedurengo. Kaj procesi džala ano šukhar drom verifikuinelape reslipa ani umal lačarimaske mukhlipaske lila, kote Srbia, prekal rangiripe Lumiaki banka Doing Buisiness, pašardili e anglune deš ani lumia.


So pobut, manglipe ano aver umalja, ilustruime ani akaja brošura, sar so sito buti  Koordinaciako trupesko save kerela buti kotar njamesko jekh jekhipe thaj socialno inkluzija Romengi, kompatibilno siton e reseja lačaripe suksesno thaj prosperitetno amalipe, reslipe zoralo thaj adikhardutno barjaripe Srbiako, sar phando kotor Rjačutno Balkanesko 21. šelberšutnipe thaj Evropako.

 

Telopresidentka Thagarutnaki,

ministarka vaš lačaripe, dromutnipe thaj infrastruktura

Prof. dr Zorana Mihajlović